نوبل پرائز 2023: کیٹالن کاریکو اور ڈرو ویسمین کو ملا طب کا نوبل انعام

2023 کے لیے نوبل انعامات کا سلسلہ شروع ہو گیا ہے۔ 2 اکتوبر کو فیزیولوجی یا طب کے شعبہ کے لیے اس انعام کے فاتحین کے نام کا اعلان کیا گیا۔ رواں سال کیٹالن کاریکو اور ڈرو ویسمین کو طب کا نوبل انعام دیا گیا ہے۔ انھیں نیوکلیوسائیڈ بیس ترامیم سے متعلق ان کی دریافت کے لیے یہ اعزاز دیا گیا۔ اس دریافت کی وجہ سے کورونا وائرس یعنی کووڈ-19 کے خلاف اثردار ایم آر این اے ٹیکوں کے ڈیولپمنٹ میں مدد ملی۔ نوبل کمیٹی کے سکریٹری تھامس پرلمین نے کورولنسکا آرگنائزیشن میں فاتحین کے ناموں کا اعلان کیا۔

قابل ذکر ہے کہ گزشتہ سال سویڈن کے سوانتے پیبو کو فیزیولوجی اور میڈیسن کے شعبہ میں نوبل انعام دیا گیا تھا۔ انھیں معدوم ہومینن اور انسانی ترقی کی جینیات (جینوم) سے جڑی دریافتوں کے لیے یہ اعزاز دیا گیا تھا۔ گزشتہ سال نوبل کمیٹی نے بیان جاری کر کہا تھا کہ کورولنسکا انسٹی ٹیوٹ میں نوبل کمیٹی نے معدوم ہومینن اور انسانی ترقی کے جینیات سے جڑی دریافتوں کے لیے سوانتے پیبو کو طب کے شعبہ میں 2022 کا نوبل انعام دینے کا فیصلہ کیا۔ سوانتے پیبو نے اپنی تحقیق میں پایا تھا کہ معدوم ہومونن جین ہومو سپینس میں منتقل ہوئے تھے۔