نائیجیریا: مسجد پر خود کش حملوں میں 60 افراد ہلاک

نائیجیرین پولس کے مطابق مسجد کے باہر اور اندر ہونے والے خود کش حملوں میں 60 افراد کی جان جا چکی ہے۔ ریاست اداماوا کے پولیس کمشنر کے مطابق ایک خود کش بمبار نے خود کو مسجد میں دھماکہ خیز مادے سے اڑایا تو دوسرے نے مسجد سے کچھ فاصلے پرخود کش دھماکہ کردیا۔

ابتدائی خبروں میں پولس نے خود کش حملہ میں مرنے والوں کی تعداد 2درجن کے قریب بتائی تھی جبکہ زخمیوں کو اسپتال بھی منتقل کیا ،جن میں متعدد کی حالت تشویشناک تھی۔

میڈیا رپورٹس کے مطابق پولس نے حملے کی جگہ کو گھیرے میں لے لیا ہے جبکہ سیکورٹی فورسز اور بم ڈسپوزل اسکواڈ بھی جائے وقوع پر پہنچ گئے ہیں۔ اس سے قبل موبی میں گزشتہ سال نومبر میں مسجد پر ہونے والے خود کش حملے میں 50 افراد جان کی بازی ہارگئے تھے،یہ اس سال کا بڑا حملہ ہے۔