بائیڈن امریکی صدارتی الیکشن نہیں لڑیں گے، کملا ہیرس ہوں گی اگلی دعویدار

امریکی صدر جو بائیڈن نے اتوار کو بڑا اعلان کرتے ہوئے کہا کہ وہ 2024 میں ہونے والے امریکی صدارتی انتخابات سے اپنا نام واپس لے رہے ہیں۔ اس کے ساتھ انہوں نے یہ بھی واضح کیا کہ وہ اب امریکی صدارتی انتخابات میں مدمقابل نہیں ہیں۔ بائیڈن کے بعد کملا ہیرس اگلی دعویدار ہوں گی۔ بائیڈن کا یہ فیصلہ ایک ایسے وقت میں سامنے آیا ہے جب ان کے ساتھی ڈیموکریٹس ان پر مسلسل دباؤ ڈال رہے تھے اور کہہ رہے تھے کہ وہ ڈونالڈ ٹرمپ کے خلاف کمزور امیدوار ثابت ہو رہے ہیں۔

صدارتی انتخابات سے اپنا نام واپس لینے کا اعلان کرتے ہوئے بائیڈن نے کہا کہ امریکہ کے صدر کی حیثیت سے خدمات انجام دینا ان کے لیے بڑے اعزاز کی بات ہے۔ اس کے ساتھ انہوں نے کہا کہ جہاں تک ایک بار پھر الیکشن لڑنے کا تعلق ہے تو پارٹی اور ملک کے مفادات کو مدنظر رکھتے ہوئے صدر کے عہدے کے لیے الیکشن نہ لڑنے کا فیصلہ لے رہے ہیں۔

بائیڈن نے کہا کہ وہ آنے والے دنوں میں ملک کو اپنے فیصلے کے بارے میں تفصیل سے آگاہ کریں گے۔ خود جو بائیڈن نے بھی اپنے فیصلے کی وضاحت کرتے ہوئے ٹویٹ کیا۔ انہوں نے اس ٹویٹ میں کہا کہ 'میرے ساتھی ڈیموکریٹس میری نامزدگی کے خلاف تھے اور اب وہ بطور صدر اپنی بقیہ مدت کے دوران اپنی ذمہ داریاں پوری کرنے کے لیے اپنی پوری طاقت استعمال کریں گے۔

بائیڈن کا مزید کہنا تھا کہ 2020 کے انتخابات میں صدارتی امیدوار بننے کے بعد ان کا پہلا فیصلہ کملا ہیرس کو نائب صدر منتخب کرنے کا تھا۔ انہوں نے اس فیصلے کو بہترین فیصلہ قرار دیا۔ اس کے ساتھ ہی بائیڈن کا مزید کہنا تھا کہ 'آج میں کملا ہیرس کو اس سال پارٹی کی دعویدار بنانے کے لیے اپنی مکمل حمایت کرنا چاہتا ہوں۔' بائیڈن نے یہاں واضح کیا کہ اب کملا ہیرس ڈیموکریٹس کی جانب سے صدارتی امیدوار ہوں گی۔بائیڈن نے ڈونالڈ ٹرمپ کو بھی نشانہ بنایا۔ ریپبلکن صدارتی امیدوار ٹرمپ پر حملہ کرتے ہوئے انہوں نے کہا کہ آؤ ڈیموکریٹس، اب وقت آگیا ہے کہ اکٹھے ہوں اور ٹرمپ کو شکست دیں۔