کناڈا میں طلبہ کو بیس دن میں ملنے والے ویزا میں اب لگ سکتے ہیں آٹھ ہفتے

ہندوستان اور کناڈا کے تعلقات میں تناؤ ہے۔ دریں اثنا، کناڈا نے بین الاقوامی طلباء کے لیے فاسٹ ٹریک اسٹڈی ویزا پروگرام یعنی اسٹوڈنٹ ڈائریکٹ اسٹریم (ایس ڈی ایس)کو ختم کر دیا ہے۔ اس کا ہندوستان سمیت کئی ممالک کے طلباء پر بڑا اثر پڑے گا۔ اسٹوڈنٹ ڈائریکٹ اسٹریم کے تحت اپلائی کرنے والے طلباء کو بہت کم وقت میں اسٹڈی ویزا مل جاتا تھا۔ ہندوستانی  ہائی کمیشن کے مطابق ہندوستان غیر ملکی طلباء کا سب سے بڑا ذریعہ ملک ہے، ایک اندازے کے مطابق کناڈا میں 4 لاکھ 27 ہزار ہندوستانی طلباء زیر تعلیم ہیں۔

واضح رہے کہ ایس ڈی ایس کے تحت ہندوستانی طلباء کی درخواستوں پر صرف 20 دن میں کارروائی کی جاتی تھی، یعنی اس کام میں صرف 20 دن لگتے تھے، لیکن اب اس میں 8 ہفتے لگ سکتے ہیں۔ انٹیگوا، باربوڈا، برازیل، چین، کولمبیا، کوسٹا ریکا، مراکش، پاکستان، پیرو، فلپائن، سینیگال، سینٹ ونسنٹ اور گریناڈائنز، ٹرینیڈاڈ، ٹوباگو، ویتنام کے طلباء کے لیے راستے کھولے گئے۔

ساتھ ہی، امیگریشن ریفیوجی اینڈ سٹیزن شپ کناڈا(آئی آر سی سی) کے ایک بیان میں کہا گیا ہے کہ ہم تمام بین الاقوامی طلباء کو اسٹڈی ویزا کے لیے درخواست کے عمل میں مساوی اور منصفانہ مواقع فراہم کرنے کے لیے پرعزم ہیں۔ بیان میں یہ بھی کہا گیا کہ کناڈا  کا مقصد فاسٹ ٹریک اسٹڈی ویزا پروگرام کی سالمیت کو مضبوط کرنا اور تمام طلباء کو درخواست کے عمل میں برابری فراہم کرنا ہے۔

اس سے قبل ستمبر میں کناڈا  کے وزیر اعظم جسٹن ٹروڈو نے ایکس پر اعلان کیا تھا کہ اس سال کناڈا 35 فیصد کم بین الاقوامی اسٹوڈنٹ ویزے دے رہے ہیں اور اگلے سال یہ تعداد مزید 10 فیصد کم ہو جائے گی۔ انہوں نے کہا کہ یہ بھی درست ہے کہ امیگریشن ہماری معیشت کے لیے فائدہ مند ہے لیکن جب برے لوگ سسٹم کا غلط استعمال کرتے ہیں اور طلبہ سے فائدہ اٹھاتے ہیں تو ہم اس طرح کی کارروائی کرتے ہیں۔ انہوں نے کہا کہ وہ عارضی رہائشیوں کی تعداد کو کم کرنے پر غور کر رہے ہیں۔

آئی آر سی سی نے ہفتہ کی رات ہندوستانی وقت کے مطابق 2:30 بجے کا کٹ آف ٹائم دیا تھا اور کہا تھا کہ اس سے پہلے موصول ہونے والی تمام اہل ایس ڈی ایس درخواستوں پر کارروائی کی جائے گی۔ تاہم، آئی آر سی سی نے یہ بھی کہا کہ ممکنہ طلباء اب بھی باقاعدہ اسٹڈی پرمٹ اسٹریم کے ذریعے درخواست دے سکتے ہیں، جس کے لیے گارنٹیڈ انویسٹمنٹ سرٹیفیکیٹس کو مالی مدد کے ثبوت کے طور پر قبول کیا جائے گا۔