امریکہ: کیلیفورنیا میں ہند نژاد شوہر-بیوی کا اغوا، 8 ماہ کے بچہ اور ایک رشتہ دار کا بھی پتہ نہیں!

امریکہ کے کیلیفورنیا میں آٹھ ماہ کے بچے کے ساتھ ہند نژاد شوہر-بیوی اور ان کے ایک بالغ رشتہ دار کا اغوا کر لیا گیا ہے۔ ان سبھی چار لوگوں کا اغوا کیلیفورنیا کے مرسڈ کاؤنٹی سے کر لیا گیا۔ اس واقعہ کی جانکاری ملنے کے بعد افسران نے لاپتہ سبھی افراد کی تلاشی مہم شروع کر دی ہے۔

کیلیفورنیا کے مرسڈ کاؤنٹی شیرف دفتر نے پیر کے روز ایک بیان میں کہا کہ 36 سالہ جسدیپ سنگھ، 27 سالہ جسلین کور، ان کے آٹھ ماہ کے بچے اور رشتہ دار 39 سالہ امن دیپ سنگھ کو جبراً ایک کاروباری ادارہ سے ان کی خواہش کے خلاف لے جایا گیا۔

شریف دفتر نے لاپتہ چاروں لوگوں کا پتہ لگانے میں عوام کی مدد مانگی ہے۔ اس میں کہا گیا ہے کہ مشتبہ ملزم منڈے سر اور ہلکے پھلکے جسم والا مرد ہے۔ اسے آخری بار ہوڈی پہنے دیکھا گیا تھا۔ ہم مشتبہ کو مسلح اور خطرناک مانتے ہیں۔ مرسڈ کاؤنٹی شریف دفتر نے بھی اپنے فیس بک اور ٹوئٹر ہینڈل پر مشتبہ کی ایک تصویر شیئر کی۔