ایلون مسک کی کمپنی غزہ میں انسانی امداد کا کام کرے گی

غزہ میں اسرائیل اور حماس کے درمیان زمینی لڑائی   کی خبریں ہیں جس کے باعث غزہ کی پٹی میں مواصلات اور انٹرنیٹ کی سہولیات گزشتہ رات مکمل طور پر بند کر دئے گئے۔ ایسے میں انسانی بنیادوں پر ریلیف فراہم کرنے والے لوگوں کو کافی پریشانی کا سامنا کرنا پڑ رہا تھا۔ دریں اثنا، ایلون مسک نے اپنی  ایکس پوسٹ میں وعدہ کیا کہ وہ غزہ کی پٹی میں انسانی امداد کے لیے اپنی اسٹارلنک  کمپنی کے ذریعہ سہولت فراہم کریں گے۔

الیکسینڈریا اوکیسیو نے ایک پوسٹ میں لکھا ہے "مجھے نہیں معلوم کہ اس طرح کے عمل کا دفاع کیسے کیا جا سکتا ہے۔ امریکہ نے تاریخی طور پر اس طرز عمل کی مذمت کی ہے۔" جواب میں، ایلون مسک نے پوسٹ کیا، "اسٹار لنک غزہ میں بین الاقوامی طور پر تسلیم شدہ امدادی تنظیموں کے ساتھ رابطے میں مدد کرے گا۔"

آپ کو بتاتے چلیں کہ اسٹارلنک مسک کی انٹرنیٹ سروس فراہم کرنے والی کمپنی ہے، جس کی ترقی میں ان کی اپنی خلائی پرواز کمپنی اسپیس ایکس کا بڑا حصہ ہے۔ اگرچہ اسٹار لنک سیٹلائٹس کی عمر بذات خود 5 سال ہے لیکن اس وقت اسپیس ایکس کے خلا میں 42 ہزار کے قریب سیٹلائٹس موجود ہیں جن کے ذریعے وہ کہیں بھی اپنی انٹرنیٹ کی سہولت فراہم کر سکتا ہے۔

جمعہ کو غزہ کی پٹی میں فلسطینی سرزمین پر اسرائیلی بمباری کے دوران انٹرنیٹ تک رسائی اور فون نیٹ ورک مکمل طور پر منقطع ہو گئے۔ مواصلاتی بلیک آؤٹ کی تصدیق فلسطینی ٹیلی کمیونیکیشن فراہم کرنے والے جووال نے کی۔ جوال نے اپنے فیس بک پیج پر لکھا، "گزشتہ گھنٹے میں شدید بمباری نے غزہ کو بیرونی دنیا سے جوڑنے والے تمام بین الاقوامی راستوں کو تباہ کر دیا ہے۔"