ترکی اور یونان میں چھوٹی سنامی ، 22 افرادہلاک، شہر ازمیر میں دہشت

ترکی میں زلزلے سےشہر ازمیر اور اس کے گرد و نواح میں زلزلے سے 120 سے زیادہ لوگ زخمی ہوگئے ہیں۔ زلزلے کے بعد ساحلی علاقوں میں سمندر کا پانی داخل ہوگیا ہے اور سمندر میں پانی کی سطح بلند ہوگئی ۔ اس زلزلہ کے بعد سمندر کےپانی داخل ہونے کو چھوٹی سنامی کہا جا رہا ہے۔

جمعہ کے روز ترکی میں ایجین ساحل اور یونان کے شمالی جزیرے سیموس میں زلزلے کے شدید جھٹکے محسوس کیے گئے تھے جن کے باعث کم از کم 22 افراد ہلاک اور سینکڑوں زخمی ہوگئے ہیں۔امریکی جیولوجیکل سروے کے مطابق زلزلے کی شدت 7.0 ریکارڈ کی گئی۔

زلزلے کا مرکز ازمیر کے قریب بحیرہ ایجیئن میں 16.5 کلومیٹر گہرائی میں تھا، زلزلے کے بعد مختلف علاقوں میں سمندر کا پانی داخل ہوگیا۔

میڈیا نے ترک حکام کے حوالے سے بتایا کہ مغربی ترکی کے شہر ازمیر کے علاقے سفری حصار میں 6 اعشاریہ 6 کی شدت کے زلزلے کے جھٹکے محسوس کیے گئے ہیں۔ ازمیر جوترکی کا ایک خوبصورت اورچھوٹا سا شہر ہےاس میں زلزلہ کےبعد خوف پسرا ہوا ہے۔ ازمیر کی کئی عمارتوں کو گرتے ہوئے دیکھا گیا ہے۔ اس شہر کی ایک جانب سمندر ہے اور سمندر کےاس پار لوگوں کی آبادی ہے جہاں سے لوگ پانی کی کشتیوں کے ذریعہ شہر میں آتےہیں۔