کورونا ختم نہیں ہوا،چین میں نئی وبائی بیماری پھیلنے کاخطرہ ،ایلرٹ جاری

پوری دنیا میں کوروناکاقہرجاری ہے اور ابھی تک اس کے علاج کے تعلق سے کوئی حتمی کامیابی ملنے کی خبر دنیاکے کسی بھی کونے سے نہیں آئی ہے لیکن اس بیچ عوام کی مشکلیں بڑھانے کے لئے ایک دوسری خبر آ گئی ہے۔ خبر آئی ہے کہ چین کے شہر بیننور میں بوبونک پلیگ (طاعون)کو لے کرایلرٹ جاری کردیاگیاہے۔

واضح رہے اس طاعون کے تعلق سے کہا جا رہا ہے کہ یہ بھی ایک وبائی بیماری ہے اور شہر کی مقامی انتظامیہ نے سال 2020 کے آخر تک ایلرٹ جاری کر دیا ہے اور کہا گیا ہے کہ وبا پھیلنے کا خطرہ ہے۔اس شہرسے اس بیماری کے کچھ مشکوک معاملےسامنےآئے تھے جس کے بعد ایلرٹ جاری کیا گیا ہے۔مقامی سرکاری میڈیانے مطلع کیا ہے کہ انتظامیہ نے طاعون کو پھیلنے سے روکنے کے لئے تیسرے درجہ کا ایلرٹ جاری کیاہے۔

واضح رہے مقامی انتظامیہ نے کہا ہے کہ اس وقت شہر میں انسانی وبا پھیلنے کا خطرہ ہے ۔عوام کو اپنی حفاظت کے لئے بیداری اور قووت مدافعت بڑھانی چاہئے اور اپنی صحت میں کسی بھی غیر معمولی تبدیلی کے بارے میں فوری طور پر مطلع کرنا چاہئے۔

سرکاری ژنہوا نیوز ایجنسی نے یکم جولائی کو کہا تھا کہ بوبونک پلیگ کے دو مشکوک معاملہ سامنےآئے تھے جن کی لیب میں تصدیق ہو گئی ہے۔ بیننور شہر کے دو بھائی اس بیماری سے متاثر ہیں اور اس دوران جن 146 لوگوں سے وہ رابطہ میں آئے تھے ان کو آئسولیشن میں رکھا گیا ہے۔ اس بیماری کے بارے میں کہا جا رہا ہے کہ یہ خنزیر کے گوشت سے پھیلتی ہے اور کورونا کی طرح انسان سے دوسرے انسان سے پھیلتی ہے۔