اہم خبریں: یکم مئی سے قبل ختم ہوں گے 5 ریاستوں میں اسمبلی انتخابات... الیکشن کمیشن

چیف الیکشن کمشنر سنیل اروڑا 4 ریاستوں مغربی بنگال، آسام، تمل ناڈو، کیرالہ اور مرکز کے زیر انتظام علاقہ پڈوچیری میں اسمبلی انتخابات کی تاریخوں کا اعلان کر رہے ہیں۔ پریس کانفرنس میں انھوں نے بتایا کہ سبھی علاقوں میں اسمبلی انتخابات یکم مئی سے قبل مکمل کر لیے جائیں گے۔ یہ فیصلہ اس لیے لیا گیا ہے کیونکہ بورڈ کے امتحانات ہونے والے ہیں۔ چیف الیکشن کمشنر نے یہ بھی بتایا کہ کئی طرح کے تہوار بھی ہونے والے ہیں جس کو دیکھتے ہوئے یکم مئی سے قبل انتخابات مکمل کرانے کا فیصلہ لیا گیا ہے۔

مرکزی وزارت داخلہ نے ایک حکم نامہ جاری کرتے ہوئے کورونا کے پیش نظر موجودہ نگرانی اور احتیاط سے متعلق رہنما ہدایات میں 31 مارچ تک توسیع کر دی۔ وزارت کی جانب سے کہا گیا ہے کہ اگرچہ کورونا کے نئے اور فعال کیسز میں کمی واقع ہو رہی ہے، تاہم مخصوص لوگوں کی ٹیکہ میں تیزی لایے جانے کی ضرورت ہے۔

ہماچل پردیش اسمبلی کے بجٹ اجلاس ک پہلا دن ہنگامہ آرائی کے ساتھ شروع ہوا۔ صرف 10 منٹ کے بعد ایوان کی کارروائی موخر کر دینا پڑی۔ کانگریس نے گورنر کے خطاب کے دوران کافی ہنگامہ کیا، جس کی وجہ سے گورنر بنڈارو دتاتریہ نے خطاب درمیان میں یہ چھوڑ دیا۔ کانگریس نے اس کے بعد ایوان کی کارروائی کو روکا اور محاصرہ کیا۔ اب کانگریس کے 5 ممبران اسمبلی کو پورے سیشن کے لئے معطل کر دیا گیا ہے۔

جن ارکان اسمبلی کو معطل کیا گیا ہے وہ ہیں: مکیش اگنی ہوتری، ہرش وردھن چوہان، ستپال رائے زادہ، سندر سنگھ ٹھاکر اور طنے کمار ہیں۔

پنجاب اور ہریانہ ہائی کورٹ نے مزدوروں کے حقوق کے لیے آواز اٹھانے والی خاتون سماجی کارکن نودیپ کور کی درخواست ضمانت آج منظور کر لی۔ انہیں سونی پت میں مزدوروں کے احتجاج مظاہرہ سے گرفتار کیا گیا تھا اور وہ گزشتہ ڈیڑھ مہینے سے جیل میں قید ہیں۔ انہیں اس سے قبل دو معاملوں میں ضمانت دی جا چکی ہے۔ اب تیسرے معاملہ میں بھی ضمانت ہونے کے بعد ان کی رہائی ممکن ہو سکے گی۔ وہ فی الحال کرنال جیل میں قید ہیں۔

راہل گاندھی نے عوامی شعبہ کی کمپنوں کو فروخت کرنے کے مودی حکومت کے فیصلہ پر نکتہ چینی کی ہے۔ انہوں نے ٹوئٹر میں لکھا، ’’صرف ’ہمارے دو‘ کی فلاح و بہبود - ’ہم دو‘ ان کے، عوامی شعبہ کے ادارے بھی ان کے، ترقی بھی صرف ان کی۔ عوام کا کیا؟‘‘

راہل گاندھی نے ٹوئٹ کے ساتھ جو خبر شیئر کی ہے اس میں لکھا ہے، ’’چار اسٹریٹجک علاقوں کو چھوڑ کر بقیہ تمام سرکاری کمپنیاں فروخت کرے گی

مرکزی وزارت صحت کے مطابق ہندوتان میں گزشتہ 24 گھنٹوں کے دوران کورونا وائرس کے 16577 نئے کیسز رپورٹ ہوئے۔ اسی اثنا میں 12179 افراد نے شفایابی حاصل کر لی جبکہ 120 افراد لقمہ اجل بن گیے۔

کیسز کی مجموعی تعداد - 11063491

شفایاب ہونے والے افراد - 10750680

اموات کی مجموعی تعداد - 156825

فعال کیسز کی تعداد - 155986

ٹیکہ لگوا چکے افراد کی تعدد - 13472643

واشنگٹن: امریکہ میں کیپٹل ہل پولیس چیف یوگانند پٹمین نے کہا کہ اس بات کی خفیہ اطلاع ملی ہے کہ امریکی باغی گروپ صدر جو بائیڈن کے آئندہ خطاب کے دوران کیپیٹل پر حملہ کرنے کی دھمکی دے رہے ہیں۔

پٹمین نے جمعرات کو کانگریس میں سماعت کے دوران کہا ’’ہم جانتے ہیں کہ 6 جنوری کو موجود باغی گروپوں کے ممبر کیپٹ ہل میں میں دھماکے اور زیادہ سے زیادہ ارکان کو مارنا چاہتے ہیں ‘‘۔

انہوں نے کہا کہ اس دھمکی کے پیش نظر کیپیٹل پولیس فورس کو بڑھایا جائے گا اور سیکیورٹی کو مزید مستحکم کیا جائے گا۔ انہوں نے بتایا کہ اس کے علاوہ 6 جنوری کو ہونے والے واقعہ کے دوران پولیس افسران کی جانچ کی جارہی ہے اور چھ جنوری کو واقعہ کے دوران کرپشن کی پاداش میں دیگر چھ کو معطل کردیا گیا ہے۔

ملک میں لگاتار بڑھتی مہنگائی، تیل کی قیمتوںمیں اضافہ، جی ایس ٹی اور ای بل کو لے کر عوام میں تو غصہ بڑھ ہی رہا ہے ساتھ میں تاجر برادری بھی پریشان ہے۔ آج تجارتی ادارہ کنفیڈریشن آف انڈیا ٹریڈرس کی جانب سے ’بھارت بند‘ کا اعلان کیا گیا ہے۔ کہا جا رہا ہے کہ ملک بھر میں 8 کروڑ تاجروں کی نمائندگی کرنے والے قریب 40 ہزار ٹریڈ ایسوسی ایشنز نے اس بھارت بند کی حمایت کی ہے۔ ان کا مطالبہ ہے کہ جی ایس ٹی قوانین پر از سر نو غور کیا جائے اور ای بل کو ختم کیا جائے۔