یوگانڈا میں پولیس کانسٹیبل نے ایک ہندوستانی کا گولی مار کر کیا قتل، گجرات کے کھیڑا سے تعلق رکھتا تھا مقتول

یوگانڈا کے کسورو شہر میں ایک پولیس کانسٹیبل نے 24 سالہ ہندوستانی تاجر کنتاج پٹیل کا مبینہ طور پر گولی مار کر قتل کر دیا ہے۔ فیلڈ فورس یونٹ کے رکن 21 سالہ پولیس کانسٹیبل الیوڈا گمیجامو کو گزشتہ ہفتے ایک ہارڈویئر کی دکان پر حملہ بولنے کے بعد گرفتار کیا گیا، جہاں پٹیل کام کرتا تھا اور اس پر گولی چلائی گئی تھی۔

پٹیل ایک موکل کے پاس جا رہے تھے، تبھی ایک مسلح سپاہی نے اندر جا کر ان کے سینے میں گولی مار دی۔ ’دی ڈیلی مانیٹر‘ کی رپورٹ کے مطابق گمیجامو کو مقامی لوگوں نے پکڑ لیا کیونکہ اس نے جائے وقوع سے بھاگنے کی کوشش کی۔ گمیجامو کو پولیس کے حوالے کر دیا گیا ہے۔

متاثرہ کو فوری طور پر مٹولیرے واقع سینٹ فرانسس اسپتال لے جایا گیا جہاں اس نے دَم توڑ دیا۔ مقامی میڈیا رپورٹس کے مطابق گمیجامو نے پولیس کو بتایا کہ اس نے ’غلط شناخت‘ کے ایک معاملے میں پٹیل کا قتل کر دیا۔ اس نے پولیس کو بتایا کہ ہارڈویئر کی دکان کے مالک پٹیل کے چچیرے بھائی کو ’قتل کا ٹھیکہ‘ دیا گیا تھا۔

کسورو پولیس تھانہ اب گمیجامو کے دعوے کی جانچ کر رہا ہے اور قتل کرنے والے شخص کی بھی تلاش ہو رہی ہے۔ کسورو باشندہ ضلع کمشنر شفیق سیکندی نے ڈیلی مانیٹر کو بتایا کہ گمیجامو چار سال سے پولیس فورس میں تھا۔ کھیڑا ضلع کے تھسرا کے باشندہ پٹیل چار سال پہلے اپنی بیوی کے ساتھ چچیرے بھائی کی ہارڈویئر کی دکان میں کام کرنے کے لیے یوگانڈا چلے گئے تھے۔ قابل ذکر ہے کہ یوگانڈا میں اس وقت تقریباً 35000 ہندوستانی رہتے ہیں، جن میں سے بیشتر کمپالا اور جنجا میں مقیم ہیں۔ کمپالا میں ہندوستانی ہائی کمیشن کے مطابق ہند نژاد کے لوگوں اور مہاجر ہندوستانیوں نے گزشتہ دو دہائیوں میں یوگانڈا میں ایک ارب ڈالر سے زیادہ کی سرمایہ کاری کی ہے۔ ہندوستانی، جو یوگانڈا کی اابادی کا 0.1 فیصد سے بھی کم ہیں، مشرقی افریقی ملک کے ڈائریکٹ ٹیکس کا ایک بڑا حصہ تعاون کرتے ہین۔