دہلی کی جوتا فیکٹری میں آگ، 4 مزدور ہلاک

دہلی کے سلطان پوری واقع راجا پارک علاقہ میں زبردست آگ لگی، جس میں جھلسنے سے چار مزدوروں کی موت ہو گئی ہے جبکہ ایک شدید زخمی ہے ۔ جس وقت فیکٹری میں آگ لگی ، یہ سبھی مزدور پہلی منزل پر سو رہے تھے۔

ذرائع کے مطابق جوتے کی چار منزلہ فیکٹری میں صبح 6 بجے اچانک آگ کی لپٹیں اٹھنے لگیں۔ آگ بجھانے کے لئے فائر بریگیڈ کی15 گاڑیاں موقع پر پہنچی اورکافی جدو جہد کے بعد آگ پر قابو پایا جا سکا۔ لیکن ان چار مزدوروں کو نہیں بچایا جا سکا۔اس حادثہ میں جوتے کی پوری فیکٹری آگ میں جل کر راکھ ہو گئی ہے۔