مودی حکومت کے خلاف نوجوان تنظیموں کا آج ’ملک بچاؤ۔نوجوان بچاؤ‘ مارچ

نریندر مودی حکومت کی پالیسیوں کے خلاف ملک کی 12 نوجوان سیاسی تنظیمیں آج مظاہرہ کر رہی ہیں اور اس مظاہرہ کا نعرہ ہے ’ملک بچاؤ۔نوجوان بچاؤ‘۔ بے روزگاری، ایس ایس سی امتحانات میں گڑبڑی، پٹرول ڈیزل کی بڑھتی قیمتیں، رافیل لڑاکو جہاز سودے میں بدعنوانی جیسے مدوں کو لے کر یہ نوجوان تنظیمیں آج منڈی ہاؤس سے جنتر منتر تک مارچ نکالیں گی۔

اس مارچ کے لئے خاص طریقے کی تیاریاں کی گئی ہیں۔ تما م ایشو کو لے کر جھانکیاں تیار کی گئی ہیں اور بڑی تعداد میں میں تمام تنظیموں کے کارکنان ملک بھر سے بلائے گئے ہیں۔ اس میں کنہیا کمار، ہاردک پٹیل، چندر شیکھر آزاد جیسے نوجوان قائدین کو مدعو کیا گیا ہے۔ اس مارچ کا انعقاد کانگریس کا یوتھ ونگ کر رہا ہے۔

پٹرول کی بڑھتی قیمتوں کو لے کر جھانکی، بدعنوانی کو لے کر جھانکی راون کے دس سر والی جھانکی، کسانوں پر ہوئے لاٹھی چارج کی جھانکی بنائی گئی ہیں۔ اس مارچ میں نیرو مودی، میہول چوکسی اور وجے مالیا کے پوسٹر بھی ہوں گے۔ تمام ایشو پر مودی حکومت کو گھیرنے کی پوری تیاری ہے۔

واضح رہے ملک کی 5 ریاستوں کے اسمبلی انتخابات کی تاریخوں کے اعلان کے بعد ان اسمبلی انتخابات کے لئے مودی حکومت کے خلاف انتخابی مہم کی شروعات مانی جا رہی ہے۔ اس موقع پر کانگریس کے کئی بڑے رہنماؤں کی تقاریر بھی متوقع ہیں۔