فریدآباد: بارش اور بدانتظامی کے باعث ’ایکس یو وی‘ گاڑی زیرِ آب، بینک کے منیجر اور کیشئر کی ہلاکت

فریدآباد: فریدآباد کے اولڈ فریدآباد ریلوے انڈر برج کے نیچے بھرا پانی کے باعث ایکس یو وی 700 کی ڈوبنے سے ایچ ڈی ایف سی بینک کے منیجر اور کیشئر کی موت ہو گئی۔ یہ واقعہ گذشتہ رات پیش آیا۔ پولیس کا کہنا ہے کہ انھیں الرٹ کیا گیا تھا لیکن گاڑی سواروں نے احتیاطی تدابیر کو نظرانداز کر دیا جبکہ متوفی افراد کے رشتہ داروں کا کہنا ہے کہ وہاں کوئی بیریکیڈنگ نہیں تھی۔

رپورٹ کے مطابق ایچ ڈی ایف سی بینک کے منیجر پنیاشریا شرما، جوکہ بینک یونین کے صدر بھی تھے اور کیشئر ویراج دیویدی گاڑی میں سوار تھے، جوکہ بارش کے پانی کی وجہ سے انڈر برج کے نیچے پھنس گئی۔ گاڑی میں پانی بھرنے کے بعد دونوں افراد کی موت ہو گئی۔ وراج دُویودی کو اس دوران بینک منیجر کی ایکس یو وی 700 میں چھوڑنے کے لئے آئے تھے۔

آدیتیہ نامی بینک ملازم نے بتایا کہ ویراج اور منیجر رات کو فریدآباد میں رکنے والے تھے اور صبح کسی کام کے لیے دہلی جانے والے تھے۔ تاہم، جب وہ اولڈ فریدآباد ریلوے انڈر برج کے قریب پہنچے، تو وہاں پانی بہت زیادہ بھر چکا تھا، اور کوئی بیریکیڈنگ نہیں تھی۔ ویراج نے گاڑی کو پانی سے نکالنے کی کوشش کی لیکن کامیاب نہ ہو سکے، جس کے باعث گاڑی بند ہو گئی اور پانی میں ڈوب گئی۔

آدتیہ نے بتایا کہ اگر پولیس کی بیریکیڈنگ ہوتی تو شاید وہ ریلوے انڈر برج کے نیچے سے گاڑی کو لے جانے کی کوشش نہ کرتے اور ان کے ساتھ یہ حادثہ پیش نہ آتا۔

پولیس نے دعویٰ کیا کہ بیریکیڈنگ اور انتباہی بورڈ موجود تھے اور انھیں روکا گیا تھا لیکن وہ نظرانداز کرتے ہوئے آگے بڑھ گئے۔ اس واقعے میں دونوں کی موت واقع ہوئی اور ان کی لاشوں کو بادشاہ خان سول اسپتال کے مردہ خانہ میں رکھا گیا ہے اور قانونی کارروائی جاری ہے۔