ایسا نظام متعارف کریں گے جہاں کھلاڑی خود اپنے لیے پالیسی بنائیں گے: ونیش پھوگاٹ

ہریانہ میں اسمبلی انتخابات کو لے کر مسلسل سیاسی گہما گہمی بنی ہوئی ہے۔ ساتھ ہی بین الاقوامی کشتی کھلاڑی ونیش پھوگاٹ کی ہریانہ کی سیاست میں انٹری نے ماحول میں مزید گرمی پیدا کر دی ہے۔ وہ جولانہ سیٹ سے کانگریس کی امیدوار ہیں اور پوری تندہی سے اپنے اسمبلی حلقہ میں تشہیری مہم میں لگی ہوئی ہیں۔

اس درمیان ونیش پھوگاٹ نے دعویٰ کیا ہے کہ اگر ہمیں موقع ملا تو ایسا نظام متعارف کریں گے کہ کھلاڑیوں کے لیے کھلاڑی ہی بیٹھ کر پالیسی بنائیں گے، کوئی افسر پالیسی نہیں بنائے گا۔ 5 اکتوبر کو صحیح کام ہوگا تو تم بھی میرے سے بولنے کے قابل ہو جاؤگے اور میں بھی بولنے کے قابل ہو جاؤں گی۔

ونیش پھوگاٹ نے اپنی بات رکھتے ہوئے آگے کہا "کھلاڑی ہمارے کنبہ ہیں اور میں کھلاڑی کے ساتھ ہوں۔" انہوں نے کہا کہ ہمیں پتہ ہے کھلاڑیوں کو کیا کیا پریشانی آتی ہے۔ نوکری تو قسطوں میں بھی نہیں ملتی۔ میں نے بھی اولمپک میڈل جیتے ہیں، مجھے بھی کافی آفر نہیں آئے۔

قبل ازیں ونیش پھوگاٹ نے سوشل میڈیا سائٹ 'ایکس' پر بی جے پی کو شدید تنقید کا نشانہ بنایا۔ انہوں نے کہا کہ جس ہریانہ نے کانگریس کی حکومت میں روزگار، فی شخص آمدنی اور فی شخص سرمایہ کاری میں پورے ملک میں نمبر-1 کا مقام حاصل کیا تھا، اسے بی جے پی کی پالیسیوں نے نشہ اور جرائم میں نمبر-1 بنا دیا۔ اب ہریانہ کو پھر سے صحیح سمت میں لانے کا وقت آ گیا ہے۔ کانگریس کی حکومت آئے گی اور ہریانہ کو پھر سے نشہ اور جرائم سے پاک بنائے گی۔ نوجوانوں کو روزگار ملے گا اور ہریانہ ایک بار پھر ترقی کے راستے پر چل پڑے گا۔

ونیش فوگاٹ پورے زور و شور سے اپنی انتخابی تشہیری مہم کرتی ہوئی نظر آرہی ہیں۔ وہ جولانہ اسمبلی حلقہ کے گاؤں گاؤں جا کر لوگوں سے ملتے ہوئے آئندہ کی حکمت عملی تیار کر رہی ہیں۔ اس انتخاب میں وہ بی جے پی کے کیپٹن یوگیش بیراگی اور عام آدمی پارٹی کی کویتا دلال سے مقابلہ کے لیے پوری طرح تیار ہیں۔