منکی پاکس کے پس منظر میں عالمی صحت ہنگامی حالات نہیں: ڈبلیو ایچ او

جنیوا: عالمی ادارہ صحت (ڈبلیو ایچ او) نے منکی پاکس کی وبا کے دنیا کے متعدد ممالک میں پھیلاؤ پر تشویش کا اظہار کیا ہے، تاہم ادارہ کا کہنا ہے کہ فی الحال اس بیماری کے سبب عالمی صحت کی ہنگامہ صورت حال پیدا نہیں ہوئی ہے۔ ڈبلیو ایچ او نے ہفتہ کے روز منکی پاکس پر ایک ہنگامہ اجلاس طلب کیا تھا، جس کے بعد یہ بیان جاری کیا۔

عالمی ادارہ صحت (ڈبلیو ایچ او) کے برائے بین الاقوامی صحت کے ضوابط (آئی ایچ آر) کی ہنگامی کمیٹی نے کہا ہے کہ موجودہ منکی پاکس کے خطرے سے نمٹنے کے لئے اس وقت کوششوں کی ضرورت ہے لیکن عالمی صحت کی ہنگامی حالت نہیں ہے۔ ڈبلیو ایچ او کی طرف سے جاری بیان کے مطابق حالانکہ کچھ اراکین نے علیحدہ رائے بھی پیش کی۔

آئی ایچ آر ہنگامی میٹنگ کی میٹنگ میں کچھ اراکین نے وسیع آبادی میں منکی پاکس وائرس کے اور پھیلنے کے خطرے کی وارننگ دی تھی۔ کمیٹی نے اتفاق رائے سے واقعہ کی ہنگامی صورت حال کو قبول کیا اور بیماری کے پھیلنے کو قابو کرنے کےلئے شدید ردعمل کوششوں کی ضرورت ظاہرکی۔ کمیٹی نے یہ بھی صلاح دی کہ کچھ ہفتوں کے بعد واقعہ کی باریکی سے نگرانی اور جائزہ لیا جانا چاہئے۔

ڈبلیو ایچ او کے ڈائریکٹر جنرل ٹیڈروس ایڈنام گیبریس کے مطابق عالمی کے 48 ملکوں میں اب تک 3200 سے زیادہ منکی پاکس کے معاملے سامنے آئے ہیں اس کے انفیکشن سے ایک متاثر کی بھی موت ہوئی ہے۔ گیبریس نے منکی پاکس کے حوالہ سے تشویش کا اظہار کیا ہے۔ انہوں نے کہا کہ اس بیماری کے پھیلاؤ کو روکنے کے لئے کوششیں کی جانی چاہئیں۔