دہلی کے سرکاری اسکول ملک میں سرفہرست، ہمیں فخر ہے: منیش سسودیا

نئی دہلی: دہلی کے نائب وزیر اعلی منیش سسودیا نے کہا کہ دہلی کے سرکاری اسکول پورے ملک کے سرکاری اسکولوں کی درجہ بندی میں پہلے نمبر پر ہیں۔ انڈیا اسکول رینکنگ 2021-2022 کی فہرست شیئر کرتے ہوئے منیش سسودیا نے آج ٹوئٹ کرکے کہا کہ دہلی کے سرکاری اسکول پورے ملک کے سرکاری اسکولوں کی درجہ بندی میں پہلے نمبر پر ہیں۔ ٹاپ 10 میں سے چار اسکول دہلی کے ہیں۔ مبارک ہو دہلی۔ دہلی کی ٹیم ایجوکیشن کو بھی مبارکباد۔

انہوں نے کہا کہ سیکٹر 10 دوارکا کا راجکیہ پرتیبھا وکاس ودیالیہ درجہ بندی میں پہلے نمبر پر ہے۔ دوسری طرف روہنی سیکٹر 11 کا گورنمنٹ پرتیبھا وکاس ودیالیہ چھٹے نمبر پر، دوارکا سیکٹر 5 کا راجکیہ پرتیبھا وکاس ودیالیہ آٹھویں اور یمنا وہار کا گورنمنٹ پرتیبھا وکاس ودیالیہ نویں نمبر پر ہے۔ وزیراعلی اروند کیجریوال نے ٹوئٹ کیا کہ دہلی کے لوگوں کے لیے یہ بڑے فخر کی بات ہے۔