ووٹنگ کے ایک دن بعد ووٹنگ کا فیصد بڑھ کر 77.15 فیصد ہوا

مدھیہ پردیش اسمبلی انتخابات میں جمعہ کو ریکارڈ ووٹنگ کے ایک دن بعد ووٹنگ کا فیصد 76.22 فیصد سے بڑھ کر 77.15 فیصد ہو گیا۔ریاست کے چیف الیکٹورل آفیسر کے دفتر نے ہفتہ کی رات ووٹنگ فیصد سے متعلق معلومات جاری کیں۔ اس کے مطابق تمام 230 سیٹوں پر 77.15 فیصد ووٹنگ ہونے کی اطلاعات ہیں، لیکن اعداد و شمار کو اپ ڈیٹ کیا جا رہا ہے۔ اس کا مطلب ہے کہ ووٹنگ کا فیصد مزید بڑھ سکتا ہے۔ ریاست میں اس الیکشن میں اب تک سب سے زیادہ ووٹنگ درج کی گئی ہے۔

کل جاری کردہ اعداد و شمار کے مطابق تمام 230 حلقوں میں اوسطاً 78.21 فیصد مردوں اور 76.03 فیصد خواتین نے ووٹ ڈالے۔ یہ اوسط 77.15 فیصد ہے۔

واضح رہے  رتلام ضلع کے سیلانہ اسمبلی حلقہ میں سب سے زیادہ ووٹروں نے حق رائے دہی کا استعمال کیا جو 90.1 فیصد رہا۔ سب سے کم ووٹنگ جوبٹ اسمبلی حلقہ میں 54.37 فیصد رہی۔ اس کے علاوہ تقریباً 99 اسمبلی حلقوں میں ووٹنگ کا فیصد 80 فیصد سے زیادہ رہا۔ ان میں سے بہت سے علاقے قبائلی اکثریتی علاقوں میں واقع ہیں۔