وجے دہیا اتر پردیش کی سینئر ٹیم کے ہیڈ کوچ مقرر

لکھنؤ: ہندوستان کے سابق وکٹ کیپر بلے باز وجے دہیا کو اتر پردیش کی سینئر ٹیم کا ہیڈ کوچ مقرر کیا گیا ہے۔ وہ گیانندر پانڈے کی جگہ لیں گے۔

اتر پردیش کرکٹ ایسوسی ایشن (یو پی سی اے) نے ٹویٹر پر یہ معلومات دیتے ہوئے کہا ، "ہم وجے کی قیادت میں اپنے ہدف کو حاصل کرنے کے لیے ایک شاندار سفر کے منتظر ہیں۔ سابق ہندوستانی وکٹ کیپر دہیا اس سے قبل دہلی کو کوچنگ دے چکے ہیں۔ آئی پی ایل میں بھی وہ کولکتہ نائٹ رائیڈرز اور دہلی کپیٹلز کے اسسٹنٹ کوچ تھے۔