تصویر آئی اے این ایس
مظفر نگر: یوپی کے مظفر نگر ضلع کے منصور پور تھانہ علاقے میں پرانی دشمنی کی وجہ سے 50 سالہ شخص کا گلا کاٹنے کے الزام میں ماں-بیٹے کی جوڑی کو گرفتار کیا گیا ہے۔ ملزمان کی شناخت نکُنج اور اندو تیاگی کے طور پر ہوئی ہے۔ یہ واقعہ مظفر نگر ضلع کے منصورپور تھانہ علاقے کے تحت گاؤں سونہجنی تگان کا ہے۔ پولس افسر نے پیر کو یہ جانکاری دی۔
Published: undefined
سٹی سپرنٹنڈنٹ آف پولیس ستیہ نارائن پرجاپت نے بتایا کہ 14 جون کو منصور پور پولیس اسٹیشن کو ایک شخص کے قتل کی اطلاع ملی تھی۔ سونہجانی تگان گاؤں میں ایک گھر کے اندر سے 50 سالہ شخص کی لاش ملی، جس کی گردن تیز دھار ہتھیار سے کاٹ دی گئی تھی۔ اطلاع ملتے ہی پولیس نے موقع پر پہنچ کر لاش کو قبضے میں لے لیا۔ مرنے والے کی شناخت سندیپ تیاگی کے طور پر ہوئی تھی۔
Published: undefined
اے ایس پی نے بتایا کہ متوفی کی اہلیہ کی جانب سے دی گئی شکایت کی بنیاد پر نامعلوم افراد کے خلاف ایف آئی آر درج کی گئی۔ اے ایس پی نے کہا کہ تفتیش کے دوران پتہ چلا کہ واقعہ کو مقتول سندیپ تیاگی اور ملزم چچرے بھائی نکُنج عرف منوہر نے خاندان کے ساتھ پرانی دشمنی اور قانونی چارہ جوئی کی وجہ سے چچرے بھائی نے واقعہ کو انجام دیا۔
Published: undefined
اے ایس پی نے بتایا کہ ملزم نکُنج نے جرم کا اعتراف کر لیا ہے کہ مقتول سندیپ تیاگی اس کے والد اور والدہ کو ہراساں کرتا تھا۔ سال 2009، 2010، 2014 میں مقتول نے گھر میں گھس کر اس کے والدین کو تشدد کا نشانہ بنایا۔ بدلہ لینے کے لیے اس نے پہلے منصوبہ بند طریقے سے شراب پی اور بعد میں رات کے وقت تیز دھار پتھیار سے اس کی گردن کاٹ کر سندیپ کا قتل کر دیا۔ جس کے بعد وہ گھر گیا اور اپنی والدہ کو پورا حال سنایا۔ ماں نے قتل میں استعمال ہونے والے تیز دھار ہتھیار کو دھو کر گاؤں کے تالاب میں پھینک دیا۔ اس کے بعد ماں اندو تیاگی کو بھی گرفتار کر لیا گیا۔ اس کے کہنے پر قتل میں استعمال ہونے والا ہتھیار برآمد کر لیا گیا ہے۔
Published: undefined
اے ایس پی نے بتایا کہ ملزم کے خلاف منصور پور تھانے میں قتل اور شواہد کو تباہ کرنے کی دفعات کے تحت ایف آئی آر درج کی گئی تھی۔ ملزم نکُنج اور اندو کو گرفتار کر لیا گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined