یو پی: وزیر اعلیٰ یوگی کے گورکھپور میں اب ’خاکی‘ بھی محفوظ نہیں!

اتر پردیش میں نظام قانون کا حال کسی سے پوشیدہ نہیں ہے۔ اکثر ریاست میں مجرمانہ واقعات پیش آتے رہتے ہیں اور حکومت صفائی دیتے ہوئے کہتی ہے کہ سب کچھ ٹھیک ہے۔ لیکن عالم یہ ہے کہ وزیر اعلیٰ یوگی آدتیہ ناتھ کے اسمبلی حلقہ میں ’خاکی‘ یعنی پولیس طبقہ بھی محفوظ نہیں ہے۔ گورکھپور میں پولیس ٹیم پر حملہ کی خبریں سامنے آ رہی ہیں۔

بتایا جا رہا ہے کہ گورکھپور میں پولیس پٹرولنگ ٹیم پر کچھ لوگوں نے حملہ کیا ہے۔ گورکھپور کے ایس ایس پی وپن ٹاڈا نے بتایا کہ ’’کچھ لوگوں نے ہمارے کانسٹیبل پر حملہ کر دیا۔ اس پر پولیس نے سنگین دفعات میں مقدمہ درج کر دو ملزمین کو گرفتار کیا ہے، اور دو ملزم فرار ہیں۔ ان کی تلاش جاری ہے۔‘‘