لکھنؤ: اتر پردیش میں چلچلاتی گرمی اور تیز دھوپ نے لوگوں کا جینا محال کر دیا ہے۔ اپریل کے مہینے میں ہی گرمی ساتویں آسمان پر پہنچ گئی ہے۔ ریاست کے کچھ حصوں میں تو پارہ 44 ڈگری سے تجاوز کر گیا ہے۔ راجدھانی لکھنؤ میں پارہ 41 ڈگری ریکارڈ کیا گیا۔ جبکہ الہ آباد (پریاگ راج) اور ہمیر پور میں سب سے زیادہ 44.2 ڈگری سیلسیس درجہ حرارت ریکارڈ کیا گیا۔ محکمہ موسمیات کی جانب سے جاری کردہ الرٹ میں ریاست کے 20 اضلاع میں لو چلنے کا امکان ظاہر کیا گیا ہے۔
Published: undefined
محکمہ موسمیات نے اتر پردیش کے 20 اضلاع میں گرمی کی لہر کے حوالے سے الرٹ جاری کیا ہے۔ آئی ایم ڈی کی طرف سے رائے بریلی، امیٹھی، پرتاپ گڑھ، سلطان پور، باندہ، چترکوٹ، کوشامبی، الہ آباد، سلطان پور، فتح پور، سنت کبیر نگر، جون پور، اعظم گڑھ، غازی پور، چندولی، مرزا پور، مؤ، بلیا، وارانسی اور سون بھدر میں لو چلنے کے پیش نظر یلو الرٹ جاری کیا گیا ہے۔
Published: undefined
بدن کو جھلسا دینے والی گرمی کے درمیان ریاست کے کچھ اضلاع میں گرمی سے راحت بھی مل سکتی ہے۔ محکمہ موسمیات نے یوپی کے 21 اضلاع میں تیز ہواؤں کے ساتھ بارش کی پیش گوئی کی ہے۔ آئی ایم ڈی کے مطابق پاکستان اور افغانستان سے چلنے والا ایک ویسٹرن ڈسٹربنس اتر پردیش کے مغربی علاقوں میں سرگرم ہو رہا ہے۔ لہذا تیز ہواؤں کے ساتھ بارش کا امکان ہے۔ بارش کی وجہ سے ریاست میں درجہ حرارت میں دو سے چار ڈگری کی کمی ریکارڈ کی جا سکتی ہے۔
Published: undefined
رپورٹ کے مطابق بدھ کو شاہجہاں پور، شاملی، باغپت، میرٹھ، امروہہ، مراد آباد، غازی آباد، ہاپوڑ، گوتم بدھ نگر، سنبھل، رام پور، بریلی، مظفر نگر، بجنور، بدایوں، پیلی بھیت، علی گڑھ، ہاتھرس اور آگرہ میں گرج چمک کے ساتھ ہلکی بارش ہو سکتی ہے۔ آئی ایم ڈی کی جانب سے تیز آندھی اور بارش سے ہونے والے نقصانات کے بارے میں بھی آگاہ کیا گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined