مغل سرائے جنکشن کا نام اَب ’پنڈت دین دیال اُپادھیائے جنکشن‘

اتر پردیش کے مغل سرائے ریلوے اسٹیشن کا نام آخر کار بدل ہی دیا گیا۔ اب اس کا نام پنڈت دین دیال اپادھیائے جنکشن کر دیا گیا ہے۔ اس سلسلے میں اتر پردیش حکومت نے ایک نوٹیفکیشن بھی جاری کیا ہے۔ گورنر رام نائک نے 4 جون کو اسٹیشن کا نام بدلنے کی اجازت دے دی۔

مغل سرائے جنکشن کا نام بدلنے کی کارروائی گزشتہ سال اس وقت شروع ہوئی تھی جب یو پی کے وزیر اعلیٰ یوگی آدتیہ ناتھ نے اس کی تجویز مرکزی حکومت کے پاس بھیجی تھی۔ مرکزی حکومت نے یوگی آدتیہ ناتھ کی تجویز کو منظور کر لیا تھا۔ جب یوگی جی نے مغل سرائے اسٹیشن کا نام بدلنے کی تجویز پیش کی تھی تو کافی ہنگامہ ہوا تھا لیکن اس کا کوئی اثر بی جے پی حکومت پر نہیں ہوا تھا۔

قابل ذکر ہے کہ مغل سرائے اسٹیشن کی تعمیر 1862 میں ہوئی تھی۔ 1968 میں اسی اسٹیشن پر پنڈت دین دیال اپادھیائے مردہ حالت میں پائے گئے تھے۔