ملک کے نوجوان پوچھ رہے ہیں کہ ہر سال دو کروڑ نوکریاں کہاں گئیں؟ کھڑگے کا سوال

نئی دہلی: کانگریس صدر ملکارجن کھڑگے نے اتوار کے روز بے روزگاری کے مسئلہ پر مرکز کی مودی حکومت پر تنقید کی۔ کھڑگے نے ایکس پر پوسٹ میں کہا، ’’ملک میں بے روزگاری سب سے زیادہ سلگتا ہوا مسئلہ ہے۔ 15-29 سال عمر کے لوگوں میں بے روزگاری کی شرح 10 فیصد ہے (پی ایل ایف ایس: جولائی 2022-2023)۔ دیہی ہندوستان میں بے روزگاری کی شرح 8.3 فیصد اور شہری ہندوستان میں 13.8 فیصد ہے۔‘‘

ملکارجن کھڑگے نے کہا، ’’ملک کے نوجوان پوچھ رہے ہیں کہ ہر سال دو کروڑ نوکریاں کہاں گئیں، بھرتی کے بعد نوکری پانے تک کا سفر اتنا مشکل کیں ہو گیا اور ایم ایس ایم ای سیکٹر کو کیوں برباد کر دیا گیا؟ کروڑوں نوجوانوں کی نوکریاں، ان کا مستقبل چھیل لیا گیا، کیوں؟