سپریم کورٹ، تصویر آئی اے این ایس
سپریم کورٹ نے یکم اپریل کو ایڈووکیٹ اور سماجی کارکن ارون کمار اگروال کے ذریعہ داخل ایک عرضی پر الیکشن کمیشن کو نوٹس جاری کیا ہے۔ عرضی دہندہ نے وی وی پیٹ پرچیوں کے ذریعہ صرف 5 رینڈم طریقے سے منتخب ای وی ایم کے سرٹیفکیشن کے موجودہ طریقہ سے برعکس انتخابات میں وی وی پیٹ پرچیوں کی مکمل گنتی کا مطالبہ کیا ہے۔
Published: undefined
اس عرضی پر جسٹس بی آر گوئی کی قیادت والی بنچ نے عرضی دہندہ کی نمائندگی کر رہے سینئر وکیل گوپال شنکر نارائن کی دلیلیں سننے کے بعد الیکشن کمیشن آف انڈیا سے جواب طلب کیا ہے۔ ایڈووکیٹ نیہا راٹھی کے ذریعہ سے داخل عرضی میں الیکشن کمیشن کے رہنما خطوط (گائیڈلائنس) کو چیلنج پیش کیا گیا ہے جس میں کہا گیا ہے کہ وی وی پیٹ سرٹیفکیشن سلسلہ وار طریقے سے کیا جائے گا، یعنی یکے بعد دیگرے، اور کہا گیا کہ اس سے بلاوجہ تاخیر ہوتی ہے۔
Published: undefined
عرضی میں کہا گیا ہے کہ الیکشن کمیشن آف انڈیا ایک ساتھ 50 وی وی پیٹ سے پیپر پرچیوں کی گنتی کرنے کے لیے تین ٹیموں میں 150 افسران کو آسانی سے تعینات کر سکتا ہے اور ہر وی وی پیٹ کی سلسلہ وار (ایک ایک کر کے) گنتی کے برعکس 5 گھنٹے میں گنتی پوری کر سکتا ہے۔ جبکہ ای سی آئی کی اپنی دلیلوں کے مطابق اس میں 250 گھنٹے یعنی تقریباً 12-11 دن لگیں گے۔ عرضی میں یہ بھی کہا گیا ہے کہ وی وی پیٹ کی سبھی پیپر پرچیوں کی گنتی نہ کرنے کی کوئی قابل تعریف وجہ نہیں ہے، جبکہ گنتی کے دن کچھ ہی گھنٹوں کے اندر یہ کام کیا جا سکتا ہے۔ این. چندرابابو نائیڈو بنام یونین آف انڈیا معاملے میں 50 فیصد فزیکل گنتی کی مخالفت کرتے وقت انتخابی کمیشن کے ذریعہ دی گئی واحد وجہ یہ تھی کہ اس میں وقت لگتا ہے، 50 فیصد ووٹوں کی گنتی میں 8-6 دن لگیں گے۔
Published: undefined
سپریم کورٹ میں داخل اس عرضی میں کہا گیا ہے کہ سبھی وی وی پیٹ پرچیوں کا کراس-ویریفکیشن اور گنتی جمہوریت کے مفاد اور اس اصول کے لیے ضروری ہے کہ انتخاب نہ صرف آزادانہ اور غیر جانبدارانہ ہونے چاہئیں بلکہ آزاد نظر بھی آنا چاہیے۔ عرضی میں سپریم کورٹ سے الیکشن کمیشن آف انڈیا کو یہ ہدایت دینے کا مطالبہ کیا گیا ہے کہ سبھی وی وی پیٹ پیپر پرچیوں کی گنتی کر کے وی وی پیٹ کے ذریعہ سے ووٹرس کے ذریعہ ’ڈالے گئے ووٹوں کی شکل میں درج‘ کیے گئے ووٹوں کے ساتھ لازمی طور سے کراس-ویریفکیشن کرے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined