دہلی میں گرمی کی شروعات، 20 مارچ رہا اس سال کا گرم ترین دن

محکمہ موسمیات کے مطابق آج یعنی 21 مارچ کو کم سے کم درجہ حرارت 15 ڈگری اور زیادہ سے زیادہ 32 ڈگری سینٹی گریڈ ریکارڈ کیا جا سکتا ہے۔ وہیں، آج نئی دہلی میں مطلع جزوی طور پر ابر آلود رہے گا۔ جمعہ (22 مارچ) کی بات کریں تو کم سے کم درجہ حرارت 14 ڈگری اور زیادہ سے زیادہ 34 ڈگری سینٹی گریڈ ریکارڈ کیا جا سکتا ہے۔ اس کے ساتھ ہی جمعہ کو آسمان صاف رہے گا۔

نئی دہلی میں ہفتہ اور اتوار کو مطلع جزوی طور پر ابر آلود رہے گا۔ ہفتہ (23 مارچ) کو کم سے کم درجہ حرارت 15 ڈگری اور زیادہ سے زیادہ 34 ڈگری سینٹی گریڈ ریکارڈ کیا جا سکتا ہے۔ وہیں، اتوار (24 مارچ) کو کم سے کم درجہ حرارت 15 ڈگری اور زیادہ سے زیادہ 33 ڈگری ریکارڈ کیا جا سکتا ہے۔

دہلی کے پنجابی باغ علاقے میں آج یعنی 21 مارچ کو صبح 8 بجے کے قریب اے کیو آئی 117 ریکارڈ کیا گیا۔ جواہر لال نہرو اسٹیڈیم علاقے میں اے کیو آئی 167 ریکارڈ کیا گیا۔ اسی طرح نریلا میں اے کیو آئی 157، جبکہ آر کے پورم میں 159 ریکارڈ کیا گیا۔

خیال رہے کہ کہ صفر سے 50 کے درمیان اے کیو آئی بہتر ہے، 51 سے 100 'اطمینان بخش'، 101 سے 200 'معتدل' ہے، 201 سے 300 'خراب' ہے، 301 سے 400 'انتہائی خراب' اور 401 سے 500 کے درمیان اے کیو آئی کو ’سنگین‘ قرار دیا جاتا ہے۔