گزشتہ چار دنوں سے جاری زوردار بارش کے سبب جموں و کشمیر کی ڈَل جھیل میں ایک ڈوبتے ہاؤس بوٹ سے جمعرات کو 7 سیاحوں کو بچایا گیا، ہاؤس بوٹ مالک نے ان سیاحوں کی جان اپنے کنبہ سے پہلے بچائی۔ موصولہ اطلاعات کے مطابق جمعرات کی صبح زوردار بارش کی وجہ سے ’کولاہوئی‘ نامی ایک ہاؤس بوٹ غرق ہونے لگی۔ جب اس ڈوبتی ہوئی کشتی کو اس کے مالک محمد یوسف نے دیکھا تو اپنے گھر والوں کی جان بچانے سے پہلے اس نے فوراً 7 سیاحوں کو باہر نکالا۔ پھر جب سیاح کی حفاظت یقینی ہو گئی تو اپنے گھر والوں کو اس کشتی سے نکالا۔
Published: undefined
اس تعلق سے یوسف نے میڈیا کو بتایا کہ انھوں نے اپنے کنبہ کے مقابلے میں سیاحوں کی سیکورٹی کو زیادہ ترجیح دی کیونکہ کسی بھی سیاح کی جان کو خطرہ نہیں ہونا چاہیے۔ قابل ذکر ہے کہ ڈَل اور نگین جھیل میں ہاؤس بوٹ مالکان اور جہلم کے آس پاس کے لوگ لگاتار حکومت سے اپنی کشتیوں کی مرمت کے لیے امداد کا مطالبہ کر رہے ہیں۔ دراصل کئی کشتیوں کی حالت دگر گوں ہے اور ہمیشہ کسی حادثہ کا خدشہ بنا رہتا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز