قطر کی جیل میں بند 8 سابق ہندوستانی بحریہ فوجیوں کو 28 دسمبر کو بڑی راحت دیتے ہوئے یہاں کی کورٹ نے موت کی سزا پر روک لگا دی۔ اس درمیان جمعرات (4 جنوری) کو ہندوستان نے کہا کہ وہ آٹھ لوگوں کو ملی جیل کی سزا کے خلاف 60 دنوں کے اندر اپیل کر سکتا ہے۔
Published: undefined
وزارت خارجہ کے نئے ترجمان رندھیر جیسوال نے کہا کہ ’’قطر کی کورٹ آف اپیل نے 28 دسمبر کو فیصلہ سنایا تھا۔ اس کے بعد ہم نے بتایا کہ ان آٹھ لوگوں کی موت کی سزا پر روک لگا دی گئی ہے۔ ہماری قانونی ٹیم کے پاس کورٹ کا آرڈر ہے۔ یہ رازداری والا آرڈر ہے۔ ہم اتنا ضرور کہہ سکتے ہیں کہ آٹھوں کو الگ الگ مدت کار کی سزا ملی ہے۔‘‘ انھوں نے مزید کہا کہ ’’موت کی سزا ختم ہو گئی ہے۔ ہمارے پاس 60 دنوں کا وقت ہے اور ہم قطر کے سپریم کورٹ ’دی کورٹ آف کیسیشن‘ کا دروازہ کھٹکھٹا سکتے ہیں۔ اس معاملے پر لیگل ٹیم کام کر رہی ہے۔ ہم قانونی ٹیم اور فیملی کے رابطے میں ہیں۔‘‘
Published: undefined
قابل ذکر ہے کہ 8 سابق ہندوستانی بحری فوجیوں کو راحت ملنے پر وزارت خارجہ نے 28 دسمبر کو کہا تھا کہ ہم ان کے ساتھ شروع سے کھڑے رہے ہیں۔ وزارت نے کہا تھا کہ ’’ہمارے سفیر اور دیگر افسران فیملی کے اراکین کے ساتھ کورٹ میں موجود تھے۔ ہم معاملے کی شروعات سے ان کے ساتھ کھڑے ہیں اور ہم انھیں سبھی مدد دینا جاری رکھیں گے۔ ہم اس معاملے کو قطر کے افسران کے سامنے بھی اٹھاتے رہیں گے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined