تیل قیمتوں میں کمی کر کے حکومت آنکھوں میں دھول جھونک رہی ہے: کانگریس

ئی دہلی: کانگریس نے کہا ہے کہ حکومت پٹرول، ڈیزل اور رسوئی گیس کی قیمتوں میں مسلسل اضافہ کر کے منافع کما رہی ہے اور اب قیمتوں میں کمی کر کے عوام کی آنکھوں میں دھول جھونکنے کی کوشش کر رہی ہے۔ کانگریس کے ترجمان گورو ولبھ نے اتوار کو یہاں پارٹی ہیڈکوارٹر میں ایک خصوصی پریس کانفرنس میں کہا کہ حکومت نے پٹرول اور ڈیزل کی قیمتوں میں کمی کرکے عوام کو دھوکہ دینے کا کام کیا ہے۔ سچ تو یہ ہے کہ قیمتیں کم کر کے بھی حکومت عوام سے دگنے سے زیادہ پیسے وصول کر رہی ہے اور قیمتیں کم کرکے عوام سے دھوکہ کیا جا رہا ہے۔

انہوں نے کہا کہ حکومت نے پٹرول پر 8 روپے فی لیٹر اور ڈیزل پر 6 روپے فی لیٹر کمی کر کے اپنے منافع کو دگنے سے کم نہیں ہونے دیا ہے۔ ان کا کہنا تھا کہ یہ بالکل وہی پالیسی ہے جیسے کچھ دکانوں پر ڈسکاؤنٹ کے نام پر فروخت ہونے والی اشیاء کی قیمت دگنی کر کے 50 فیصد کم پر فروخت کر کے لوٹ مار کی جاتی ہے۔

ترجمان نے کہا کہ پٹرول ڈیزل ایل پی جی کی قیمتیں جو 2014 میں تھی آج اس سے تقریباً دوگنی ہیں۔ گزشتہ 60 دنوں سے پٹرول اور ڈیزل کی قیمتوں میں مسلسل اضافہ جاری ہے اور اب آٹھ اور چھ روپے کی کمی نے عوام کی آنکھوں میں دھول جھونکنے کا کام کیا ہے، جب کہ حکومت اس کے باوجود پٹرول اور ڈیزل پر دوہرا منافع کما رہی ہے۔