درگاہ اجمیر شریف میں قوالیوں کا دور پھر شروع

اجمیر: راجستھان کے اجمیر میں واقع دنیا میں مشہور صوفی سنت خواجہ معین الدین حسن چشتی کی درگاہ میں عالمی وبا کورونا کی وجہ سے بند قوالیوں کا دور اب پھر سے شروع ہوگیا ہے۔ خواجہ صاحب کے دور روزہ 907 ویں یوم پیدائش کے موقع پر ہفتے کی رات آستانہ بند ہونے کے بعد محفل کے وقت شاہی چوکی کی قوالیوں نے صوفیانہ کلام پیش کیا۔ یہ دور آج بھی چلے گا۔

یوم پیدائش کے کنوینر مقدس معینی نے بتایا کہ غریب نواز کے یوم پیدائش کی رات سے آج رات تک روایتی طریقے سے منائی جا رہی ہے۔ اس موقع پر قوالیوں کے علاوہ ان کی شان میں نعت و منقبت پیش کیے گئے اور احاطہ نور میں محفل منعقد کی گئی۔ اس دوران ملک میں خوشحالی، بھائی چارے، ترقی اور کورونا سے آزادی کے لئے دعا کی گئی۔

واضح رہے کہ خواجہ صاحب کا 809 واں سالانہ عرس بھی اگلے مہینے فروری میں شروع ہونے جا رہا ہے۔ حالانکہ کورونا گائڈ لائنس میں عرس میں بھیڑ کی اجازت نہیں ہوگی اور کورونا اصولوں پر عمل کے تحت ہی عرس کی رسمیں پوری کی جا سکیں گی۔