پدمنی ٹیکسی، تصویر سوشل میڈیا
گزشتہ 6 دہائی سے ممبئی کی سڑکوں کی شناخت بن چکی پدمنی پریمیر ٹیکسی کا یادگار سفر 29 اکتوبر کو ختم ہو گیا۔ یعنی آج سے ممبئی میں کالی-پیلی ٹیکسی ایک تاریخ بن گئی ہے۔ کالی-پیلی ٹیکسی کے نام سے مشہور اس ٹرانسپورٹ سروس کو لوگ اب اپنی یادوں میں سنجھو کر رکھیں گے۔ ممبئی میں ٹیکسی کے نئے ماڈلز اور ایپ-بیسڈ کیب سروس میں بھی پدمنی ٹیکسی اب موجود نہیں رہے گی۔ دراصل ممبئی میں ٹیکسی کے لیے عمر کی حد 20 سال ہے۔ چونکہ پدمنی ٹیکسی کا رجسٹریشن 2003 میں ہوا تھا، اس لیے آفیشیل طور پر پیر سے ممبئی کی سڑکوں پر کوئی بھی پدمنی ٹیکسی نظر نہیں آئے گی۔
Published: undefined
قابل ذکر ہے کہ جس طرح ڈبل ڈیکر بس اور لوکل ٹرین ممبئی کی شان اور پہچان ہیں، ٹھیک اسی طرح کالی-پیلی ٹیکسی بھی ممبئی میں بہت اہمیت رکھتی ہے۔ کئی بالی ووڈ فلموں میں اس پریمیر پدمنی ٹیکسی کا استعمال کیا گیا ہے۔ حالانکہ اب اس ٹیکسی کو الوداع کہہ دیا گیا ہے، کیونکہ کسی بھی ٹیکسی کو استعمال کرنے کی 20 سال کی مدت کار ہوتی ہے۔
Published: undefined
ویسے پریمیر پدمنی کی فی الحال تین ٹیکسی ممبئی میں موجود ہے۔ اس میں سے ایک کے مالک ورلی علاقے میں رہنے والے لکشمن والویکر نے حکومت سے مطالبہ کرتے ہوئے کہا کہ اس گاڑی کے لیے اور 5 سال مہلت دینی چاہیے۔ انھوں نے کہا کہ یہ پدمنی ٹیکسی ممبئی کی شان ہے، اسے پوری طرح سے مٹانا درست نہیں ہے۔ اس کے ساتھ ہی انھوں نے کہا کہ انھیں اس ٹیکسی کے بدلے کوئی دوسری ٹیکسی خرید کر دے تاکہ ان کی روزی روٹی پر اثر نہ پڑے۔ ساتھ ہی انھوں نے مطالبہ کیا کہ پریمیر پدمنی گاڑی کو میوزیم میں رکھا جائے کیونکہ لوگوں کی یادیں اس سے جڑی ہوئی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined