بنگلہ دیش کی سرحد سے متصل علاقوں کے لئے بنگال حکومت نے ہائی الرٹ جاری کیا

کولکاتا: مغربی بنگال حکومت نے اپنے ضلع انتظامیہ بالخصوص بنگلہ دیش سے ملحقہ علاقوں کی انتظامیہ کو سوشل میڈیا کے غلط استعمال اور پڑوسی ملک میں درگا پوجا کے دوران حالیہ حملوں سے متعلق جعلی خبروں کی گردش کے خلاف خبردار کرتے ہوئے کہا ہے کہ لا اینڈ آرڈر کو برقرار رکھنے کے لئے اقدامات کریں۔

حکومت کے سینئر عہدیدار نے بتایا کہ انہوں نے کہا کہ تمام ریاستی ایجنسیوں سے کہا ہے کہ وہ بنگال میں کہیں بھی بتوں کے وسرجن کی تقریبات اور فاتحہ دوازہم کی تقریبات کے دوران امن و امان کو نقصان پہنچانے والوں پر نگاہ رکھیں۔ سینئر عہدیدار نے کہا کہ حکومت نے ضلع انتظامیہ بالخصوص بنگلہ دیش کی سرحدوں سے کہا ہے کہ پڑوسی ملک میں تشدد اور توڑ پھوڑ پر جعلی خبروں کی گردش پر نگاہ رکھیں۔

تمام ایجنسیوں سے کہا گیا ہے کہ وہ چوکس رہیں اور کشیدگی پیدا کرنے کی کوششوں کو ناکام بنائیں۔ایڈیشنل ڈائریکٹر جنرل (انٹیلی جنس برانچ) کی جانب سے سینئر پولیس افسران کو بھی احتیاط برتنے کی ہدایت دی گئی ہے۔ سوشل میڈیا پر بنگلہ دیش میں ہونے والے تشدد کے واقعات سے متعلق پوسٹ کی بھر مار ہے۔ انڈو بنگلہ سرحد کے ساتھ والے اضلاع انتہائی حساس ہو گئے ہیں اور یہاں بھی مختلف ہندو بنیاد پرست تنظیموں کے رہنما سرگرم ہیں۔