ایم کے اسٹالن / آئی اے این ایس
چنئی: سرمایہ کاری حاصل کرنے کے لیے اسپین کا دورہ کر رہے وزیر اعلی ایم کے اسٹالن نے اپنی پارٹی ’ڈی ایم کے‘ کے کارکنوں پر زور دیا کہ وہ سخت محنت کریں اور آئندہ لوک سبھا انتخابات میں تمل ناڈو کی تمام 39 سیٹوں اور پڈوچیری میں ایک سیٹ پر انڈین نیشنل ڈیولپمنٹ انکلوسیو الائنس (انڈیا) کی جیت کو یقینی بنائیں۔
Published: undefined
ڈی ایم کے کے نظریہ ساز اور تامل ناڈو کے آنجہانی وزیر اعلیٰ سی این انادورائی کی برسی کے موقع پر ہفتہ کو کارکنوں کے نام ایک خط میں اسٹالن، جو ڈی ایم کے کے صدر بھی ہیں، نے کارکنوں سے کہا کہ وہ اس وقت تک آرام سے نہ بیٹھیں جب تک کہ انڈیا بلاک تمل ناڈو اور پڈوچیری میں تمام سیٹیں نہیں جیت لیتا۔
Published: undefined
انادورائی کا ڈی ایم کے کارکنوں سے جذباتی تعلق ہے، کیونکہ وہ تمل ناڈو میں دراوڑ پارٹی کے پہلے وزیر اعلیٰ تھے۔ اسٹالن نے خط میں کہا، ’’جائیں اور لوگوں کو ڈی ایم کے حکومت کی کامیابیوں کے بارے میں بتائیں اور کس طرح مرکز کی بی جے پی حکومت نے تمل ناڈو کے ساتھ دھوکہ کیا۔‘‘
Published: undefined
انہوں نے کارکنوں کو متنبہ کیا کہ بی جے پی اور اے آئی اے ڈی ایم کے پارٹی کے خلاف پروپیگنڈہ جاری رکھیں گے اور ان سے مطالبہ کیا کہ وہ اس طرح کے ہتھکنڈوں سے پریشان نہ ہوں۔ اسٹالن نے کہا کہ ہم اپنے فیلڈ ورک کے ذریعے ثابت کریں کہ ہم کسی چیز سے نہیں ڈرتے۔
وزیر اعلیٰ نے مزید کہا کہ مرکزی عبوری بجٹ میں تمل ناڈو اور دیگر کئی ریاستوں کو نظر انداز کیا گیا ہے۔ انہوں نے یہ بھی یقین ظاہر کیا کہ مرکز میں اگلی حکومت انڈیا بلاک کی بنے گی اور ریاستوں کی خودمختاری کا تحفظ کیا جائے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined