تصویر سوشل میڈیا
نئی دہلی: سماج وادی پارٹی سے استعفیٰ دینے کے بعد سوامی پرساد موریہ نے نئی پارٹی میں شمولیت اختیار کر لی ہے۔ راشٹریہ شوشیت سماج پارٹی (آر ایس ایس پی) کے سرپرست اور بانی صاحب سنگھ دھنگر نے جمعرات کو انہیں اپنی پارٹی میں شامل کیا اور پارٹی کا قومی صدر مقرر کر دیا۔ بی ایس پی اور بی جے پی کے ساتھ طویل عرصے تک رہنے کے بعد سوامی پرساد موریہ ایس پی میں شامل ہو گئے تھے لیکن لوک سبھا انتخابات سے پہلے انہوں نے ایک بار پھر یو ٹرن لے لیا ہے۔
Published: undefined
خیال رہے کہ جمعرات کو راشٹریہ شوشیت سماج پارٹی نے دہلی کے تال کٹورا اسٹیڈیم میں جلسہ کا انعقاد کیا، جس میں سوامی پرساد موریہ نے بطور مہمان خصوصی شرکت کی۔ اسی اجلاس کے دوران سوامی پرساد کو اس پارٹی کا قومی صدر مقرر کر دیا گیا۔ راشٹریہ شوشیت سماج پارٹی کا قیام صاحب سنگھ دھنگر نے 2013 میں کیا تھا۔
Published: undefined
سوامی پرساد موریہ نے امتیازی سلوک کا الزام عائد کرتے ہوئے پارٹی کے قومی جنرل سکریٹری کے عہدے اور پھر پارٹی کی رکنیت سے بھی استعفی دے دیا تھا۔ وہ 2022 کے انتخابات سے پہلے ایس پی میں شامل ہوئے تھے۔ ایس پی نے انہیں ایم ایل سی بھی بنایا اور قومی جنرل سکریٹری کی ذمہ داری بھی سونپی۔ سوامی پرساد کے استعفیٰ پر تبصرہ کرتے ہوئے ایس پی سربراہ اکھلیش یادو نے کہا تھا کہ بار بار وابستگی تبدیل کرنے والے کے بارے میں کیا کہا جا سکتا ہے!
Published: undefined
قبل ازیں، اکھلیش یادو کو لکھے خط میں سوامی پرساد موریہ نے کہا، ’’آپ کی قیادت میں خوشگوار ماحول میں کام کرنے کا موقع مل لیکن 12 فروری 2024 کو ہونے والی بات چیت اور 13 فروری 2024 کو بھیجے گئے خط پر کسی قسم کی بات چیت شروع نہ کرنے کا نتیجہ یہ ہے کہ میں سماج وادی پارٹی کی بنیادی رکنیت سے بھی استعفیٰ دے رہا ہوں۔‘‘ یہ خط سوامی پرساد موریہ نے سوشل میڈیا پر شیئر کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined