آر جے ڈی لیڈر اور بہار کے سابق نائب وزیر اعلیٰ تیجسوی یادو کو سپریم کورٹ سے بڑی راحت ملی ہے۔ سپریم کورٹ نے تیجسوی یادو کے خلاف داخل ہتک عزتی معاملے کی شکایت کو خارج کر دیا ہے۔ دراصل تیجسوی یادو نے گزشتہ 19 جنوری کو سپریم کورٹ میں حلف نامہ داخل کر گجراتیوں سے متعلق دیے گئے اپنے بیان کو واپس لے لیا تھا۔
Published: undefined
تیجسوی یادو کے بیان واپس لینے کے بعد سماعت کر رہی جسٹس ابھے ایس اوکا اور جسٹس اجول بھوئیاں کی بنچ نے مانا تھا کہ جب معافی مانگ لی گئی ہے تو کیس کو آگے کیوں بڑھانا۔ گزشتہ 5 فروری کو عدالت نے سماعت مکمل کر اپنا فیصلہ محفوظ رکھ لیا تھا۔
Published: undefined
واضح رہے کہ تیجسوی یادو نے گزشتہ سال مارچ میں اپنے ایک بیان میں کہا تھا کہ ’’موجودہ حالات میں صرف گجراتی ہی ٹھگ ہو سکتے ہیں اور ان کی دھوکہ دہی کو معاف بھی کر دیا جائے گا۔‘‘ تیجسوی یادو کے اس بیان کے خلاف گجرات کے رہنے والے ہریش مہتا نے ہتک عزتی کا معاملہ درج کرایا تھا۔
Published: undefined
ہریش مہتا کا الام تھا کہ تیجسوی یادو کے بیان سے گجراتیوں کی بے عزتی ہوئی ہے۔ اس کے بعد معاملے کی سماعت احمد آباد کی عدالت میں چل رہی تھی۔ تیجسوی یادو نے سپریم کورٹ میں عرضی داخل کر معاملے کو گجرات سے باہر اور ممکنہ طور پر دہلی منتقل کرنے کا مطالبہ کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined