ہماچل میں 'بھارت جوڑو یاترا' کا زبردست استقبال، راہل گاندھی نے کہا- ہم نے دیو بھومی کے لیے پد یاترا کا روٹ بدلا

کانگریس کی 'بھارت جوڑو یاترا' جاری ہے۔ پنجاب کے بعد یاترا ہماچل پردیش میں داخل ہوگئی ہے۔ ہماچل پردیش میں 'بھارت جوڑو یاتریوں' کا پرتپاک استقبال کیا گیا۔ پارٹی لیڈروں اور کارکنوں کے ساتھ بڑی تعداد میں لوگ 'بھارت جوڑو یاتریوں' کے استقبال کے لیے ہماچل کے گھٹوٹا پہنچے تھے۔

کانگریس کے رکن پارلیمنٹ راہل گاندھی نے دیگر 'بھارت جوڑو یاتریوں' کے ساتھ بدھ کو ہماچل کے گھٹوٹا سے پد یاترا کا آغاز کیا۔ راہل گاندھی نے کہا کہ دیو بھومی آنے کے لیے ہم نے پد یاترا کا روٹ بدلا، ہم کم وقت دے سکے کیونکہ ہمیں گاندھی جی کے یوم شہادت پر سری نگر پہنچنا ہے۔

راہل گاندھی نے کئی مسائل پر حکومت اور بی جے پی کو نشانہ بنایا۔ انہوں نے کہا کہ ہم نے پارلیمنٹ میں اپنے مسائل اٹھانے کی کوشش کی، لیکن وہاں مسائل اٹھانے کی اجازت نہیں دی گئی۔ ہندوستان کے اداروں جیسے عدلیہ، پریس وغیرہ سے بھی بات نہیں کر سکتا، کیونکہ وہاں سب پر آر ایس ایس-بی جے پی کا دباؤ ہے، اسی لیے ہم نے یہ سفر کیا ہے۔

کانگریس کے سابق صدر راہل گاندھی نے کہا کہ پوری حکومت 3-4 لوگوں کے لیے چلائی جا رہی ہے۔ جو کچھ ہوتا ہے، ان لوگوں کے لیے ہوتا ہے، ہمارے کسانوں، مزدوروں اور نوجوانوں کے لیے کچھ نہیں ہوتا۔ ہندوستان کی حکومت جو بھی کرتی ہے وہ ہندوستان کے 2-3 سب سے بڑے ارب پتیوں کی مدد کے لئے کرتی ہے۔