ویڈیو: بہار میں فریادی سے مالش کرانے والا دروغہ معطل

بہار کے کیمور ضلع کی ایک ویڈیو سوشل میڈیا پر تیزی سے وائرل ہو رہی ہے۔ ویڈیو میں اپنی فریاد درج کرانے آئے ایک فریادی سے داروغہ جعفر امام نازیبا سلوک کرتا ہے اور اپنی مالش کرواتے ہوئے نظر آرہا ہے۔ یہ ویڈیو تھانہ کے اندر کا ہے۔ ویڈیو وائرل ہونے کے بعد پولس افسران حرکت میں آ گئے اور ضلع کے ایس پی نے دروغہ کو معطل کرنے کا حکم جاری کر دیا۔

خبروں کے مطابق، معاملہ کیمور ضلع کے چین پور تھانہ کا ہے۔ جہاں پولس کے پاس اپنی فریاد لے کر پہنچے لوگوں سے داروغہ اپنی خدمت کرا رہا ہے۔ اس دوران داروغہ گالی گلوچ بھی کر رہا ہے۔ وہاں موجود ایک شخص نے داروغہ کی پوری حرکت کی ویڈیو بنالی اور اسے سوشل میڈیا پر وائرل کر دیا۔

حران کن بات یہ ہے کہ جس وقت یہ پولس والا مالش کرا رہا ہے وہ پولس کی وردی زیب تن کیے ہوئے ہے۔ اس ویڈیو میں صاف طور پر فریادی سے کی جا رہی نازیبا زبان بھی سنی جا سکتی ہے۔

اس معاملہ پر کیمور کے ڈی ایس پی نے کہا کہ ملزم دروغہ جعفر امام کی حرکت سے پولس کی شبیہ خراب ہوئی ہے۔ یہی وجہ ہے کہ ملزم کے خلاف ایس پی نے سخت کارروائی انجام دی ہے۔