کیشو پرساد موریہ کے بیٹے کی کار کو نا معلوم گاڑی نے ٹکر مار دی

اتر پردیش کے نائب وزیر اعلیٰ کیشو پرساد موریہ کے بیٹے یوگیش موریہ کی گاڑی کو نامعلوم گاڑی نے ٹکر مار دی۔ یہ حادثہ رائے بریلی ضلع کے جگت پور کے قریب پیش آیا۔ نائب وزیر اعلی  کیشو پرساد موریہ کے بیٹے یوگیش موریہ، ان کی بیوی اور بیٹی کار میں سفر کر رہے تھے۔ نامعلوم گاڑی کی زد میں آنے کے بعد تینوں کو کمیونٹی ہیلتھ سینٹر لے جایا گیا اور طبی معائنے کے بعد تمام صحت مند پائے گئے اور انہیں گھر جانے کی اجازت دے دی گئی۔

اس حادثے میں نائب وزیر اعلیٰ کے بیٹے یوگیش موریہ کی گاڑی کو نقصان پہنچا ہے، خاندان کے افراد کو دوسری گاڑی میں پریاگ راج بھیجا جا رہا ہے، حادثے میں خاندان کے تمام افراد محفوظ ہیں،نائب وزیر اعلیٰ کے بیٹے یوگیش موریہ کے سسرال والے رائے بریلی ضلع میں ہے، یہ جگت پور کے علاقے میں ہے۔ یوگیش موریہ کل دوپہر اپنی بیوی کے گھر پہنچے تھے کہ رات کو اپنے سسرال سے نکلنے کے کچھ دیر بعد ان کی کار کو نامعلوم گاڑی نے ٹکر مار دی۔

اس حادثے کے بعد رائے بریلی پولیس بھی موقع پر پہنچ گئی، پولیس ٹکر کی وجہ بننے والی گاڑی کی تلاش کر رہی ہے۔ اس کے لیے قریبی سی سی ٹی وی فوٹیج کی جانچ کی جا رہی ہے۔ اس کے ساتھ ہی اس حادثے کی شکایت پر جانکاری دیتے ہوئے رائے بریلی پولیس نے کہا ہے کہ انسپکٹر انچارج جگت پور کو جانچ کرنے اور ضروری کارروائی کرنے کی ہدایت دی گئی ہے۔