سلمان خان کو مل رہی دھمکیوں سے فکرمند ہیں سہیل کی سابق اہلیہ، کہا- ’ایسا ماحول پریشان کرنے والا ہے‘

 این سی پی رہنما بابا صدیقی کے قتل اور سلمان خان کو لگاتار مل رہی جان سے مارنے کی دھمکیوں سے مہاراشٹر بالخصوص ممبئی کا ماحول کافی گرم ہو چکا ہے۔ ان سب واقعات کے درمیان سلمان خان کے چھوٹے بھائی سہیل خان کی سابق اہلیہ سیما سجدیہہ بھی ڈر محسوس کر رہی ہیں اور انہیں اپنے بچوں کی فکر ہونے لگی ہے۔ اس معاملے پر انہوں نے کہا کہ ظاہر سی بات ہے کہ ایسا ماحول آپ کو پریشان کرے گا۔

ایک بات چیت میں سیما سجدیہہ نے تشویش کا اظہار کرتے ہوئے کہا کہ شروع سے سلمان کے ساتھ ان کا اور بچوں کا مضبوط رشتہ رہا ہے۔ بھلے ہی سہیل سے طلاق ہو چکا ہے لیکن وہ آج بھی ایک دوسرے کی اتنی ہی فکر کرتے ہیں جیسے کہ پہلے کرتے تھے۔ انہوں نے کہا کہ جب ہم نے شو کے پہلے سیزن کی شوٹنگ کی تھی تب میں سہیل کے ساتھ شادی کے رشتہ سے منسلک تھی اور ہمارے دو خوبصورت بچے ہیں اور خان خاندان کے اراکین کے ساتھ ہمارا رشتہ ہمیشہ بنا رہے گا۔ انہوں نے کہا کہ ہم اپنی اپنی زندگی میں آگے کیوں نہ بڑھ جائیں پھر بھی ہمارا رشتہ برقرار رہے گا۔

سیما سجدیہہ نے سلمان خان کو مل رہی دھمکیوں پر کہا کہ یقینی طور پر میں اپنے بچوں کے لیے فکر مند ہوں اور ایمانداری سے کہوں تو سبھی کے لیے۔ یہ صحیح میں ہر طرح سے آپ کو پریشان کرتا ہے کیونکہ آپ آخر میں سبھی کی حفاظت کے بارے میں فکر کرتے ہیں۔

قابل ذکر ہے کہ سیما سجدیہہ ان دنوں ''بالی ووڈ وائیوس ورسیز فیبیولس لائیوس'' میں نظر آ رہی ہیں۔ وہ روزانہ پریوار-بچوں کو لے کر نئے نئے انکشافات کرتی نظر آ رہی ہیں۔ انہوں نے حال ہی میں سلمان اور پوری خان فیملی کی ستائش کرتے ہوئے کہا تھا کہ وہ ارباز خان سے طلاق کے بعد بھی جس طرح سے ملائیکہ اروڑہ خان کے ساتھ کھڑے رہے تھے، وہ قابل تعریف ہے، ایسا حوصلہ صرف اپنے ہی بڑھا سکتے ہیں۔

سیما اور سہیل کے رشتے کی بات کی جائے تو دونوں 1998 میں رشتہ ازدواج سے منسلک ہوئے تھے۔ 24 سالہ شادی شدہ زندگی گزارنے کے بعد دونوں نے الگ ہونے کا فیصلہ کیا اور 2022 میں ان کا طلاق ہو گیا تھا۔ سیما اور سہیل کے دو بیٹے ہیں جن کا نام نروان اور یوہان ہے۔