’31 دسمبر تک گر جائے گی شندے حکومت‘، آدتیہ ٹھاکرے کا دعویٰ

مہاراشٹر کی شندے حکومت کے تعلق سے ریاست کے سابق وزیر سیاحت اور ٹھاکرے گروپ کے اہم لیڈر آدتیہ ٹھاکرے نے ایک بڑا دعویٰ کیا ہے۔ انھوں نے کہا ہے کہ شندے حکومت 31 دسمبر تک گر جائے گی۔ آدتیہ ٹھاکرے کے مطابق 2024 میں ملک اور مہاراشٹر میں نئی حکومت بنے گی۔

آدتیہ ٹھاکرے اس وقت کونکن کے دورے پر ہیں۔ انھوں نے ساونت واڑی مین ایک جلسہ عام سے خطاب کرتے ہوئے مذکورہ بالا بیان دیا ہے۔ اراکین اسمبلی کی رکنیت کے بارے میں اسمبلی اسپیکر کے سامنے چل رہی سماعت پر آدتیہ ٹھاکرے نے کہا کہ اسمبلی اسپیکر کو 31 تاریخ یا اس سے پہلے فیصلہ لینا چاہیے۔ حالانکہ یہ حکومت زیادہ وقت تک نہیں چلے گی۔ دسمبر میں یہ حکومت گر جائے گی۔

ممبئی میونسپل کارپوریشن نے ممبئی کے ڈیلیل روڈ پر پل کے افتتاح سے متعلق آدتیہ ٹھاکرے سے جب سوال کیا گیا تو انھوں نے میونسپل کارپوریشن کی شدید تنقید کی۔ انھوں نے کہا کہ ’’میں میونسپل کارپوریشن کو بتانا چاہتا ہوں کہ یہ حکومت 31 (دسمبر) تک رہے گی۔ اگر نگر پالیکا میرے باہر آنے کا انتظار کر رہی تھی تو پہلے ہی بتایا جانا چاہیے تھا۔ انھوں نے ڈیلیل روڈ کو ڈیلے روڈ بنا دیا ہے۔‘‘