اسٹاک مارکیٹ میں زبردست گراوٹ، سینسیکس 1000 پوائنٹس گرا، نفٹی بھی گرا

آج اچانک اسٹاک مارکیٹ میں زبردست گراوٹ آئی ہے۔ کاروبار کے آغاز کے دوران اسٹاک مارکیٹ دباؤ میں رہی، جس کے بعد سینسیکس اور نفٹی دونوں میں بڑی گراوٹ آئی ہے۔ سینسیکس 79,713.14 پر کھلا تھا، لیکن اب 1000 پوائنٹس گر کر 78,719 پر آ گیا ہے۔ اسی طرح نفٹی پیر کو 24,315.75 پوائنٹس پر کھلا تھا، لیکن اب یہ 313 پوائنٹس گرنے کے بعد 23,990 پر ٹریڈ کر رہا تھا۔

نیوز پورٹل ’آج تک‘ پر شائع خبر کے مطابق بی ایس ای سینسیکس کے سرفہرست 30 اسٹاکس میں سے 25 اسٹاک میں زبردست گراوٹ ہو رہی تھی، جب کہ صرف 4 اسٹاک میں اضافہ دیکھا جا رہا ہے۔ سب سے زیادہ اضافہ مہندرا اینڈ مہندرا کے حصص میں 2.39 فیصد تھا۔ سب سے زیادہ کمی سن فارما کے حصص میں 3 فیصد ہوئی۔ ملک کی سب سے بڑی کمپنی ریلائنس انڈسٹریز کے حصص میں بھی 2.64 فیصد کی کمی ہوئی ہے جس کی وجہ سے مارکیٹ میں مزید دباؤ بڑھ گیا ہے۔

سیکٹرز کی بات کریں تو تمام شعبوں میں کمی جاری ہے۔ ذرائع ابلاغ کے شعبے میں 2.66 فیصد اور تیل اور گیس کے شعبے میں 2.47 فیصد کی کمی دیکھی گئی ہے۔ اس کے بعد فایننس ، آٹو، بینک اور کنزیومر سیکٹر میں بھی گراوٹ ہے۔ ان تمام شعبوں میں کمی سے سرمایہ کاروں کو بھاری نقصان کا سامنا کرنا پڑ رہا ہے۔