قومی خبریں

بہار میں شدید گرمی کی لہر، شیخ پورہ اور بیگوسرائے میں 48 اسکولی طالبات بے ہوش، اسپتال میں داخل

اسکول میں صبح تقریباً 10 بجے طالبات اچانک بے ہوش ہونے لگیں۔ اس کے بعد اسکول میں ہی پرنسپل چندرکانت سنگھ نے انہیں او آر ایس کا گھول پلایا، تاہم سلسلہ جاری رہا

<div class="paragraphs"><p>بہار اسکول / سوشل میڈیا</p></div>

بہار اسکول / سوشل میڈیا

 

بیگوسرائے: ملک بھر میں گرمی کی شدت برقرار ہے اور زیادہ سے زیادہ درجہ حرارت 45 ڈگری سیلسیس سے زیادہ ریکارڈ کیا جا رہا ہے۔ دہلی میں زیادہ سے زیادہ درجہ حرارت، جو 50 ڈگری (49.9 ڈگری) کے قریب پہنچ گیا، نے گزشتہ 100 سال کا ریکارڈ توڑ دیا ہے۔ اس کے علاوہ راجستھان، ہریانہ، مدھیہ پردیش، اتر پردیش اور بہار بھی شدید گرمی کی لپیٹ میں ہیں۔ کئی ریاستوں کے اسکولوں میں گرمیوں کی چھٹیاں ہیں لیکن بہار میں پڑھائی جاری ہے۔ بدھ کو بہار کے بیگوسرائے اور شیخ پورہ میں تقریباً 48 اسکولی طالبات بیہوش ہو گئیں اور کلاس روم میں گر گئیں۔

Published: undefined

شیخ پورہ کے ایک اسکول میں شدید گرمی کی وجہ سے طالبات کی طبیعت اس قدر بگڑ گئی کہ انہیں فوری طور پر اسپتال میں داخل کرنا پڑا۔ شدید گرمی کی وجہ سے شیخ پورہ ضلع کے اریاری بلاک کے تحت منکول اپ گریڈڈ مڈل اسکول سمیت کئی اسکولوں میں طالبات بیہوش ہو گئیں۔ شدید گرمی کی وجہ سے کچھ طالبات صبح کی اسمبلی کے دوران اور کچھ کلاس روم میں بیہوش ہو گئیں۔

Published: undefined

طالبات کے بے ہوش ہونے پر اساتذہ میں خوف و ہراس پھیل گیا جب کہ طالبات کے گھر والوں کو اس کی اطلاع ملی تو وہ بھی اسکول پہنچ گئے۔ بعد ازاں طالبات کو اسپتال میں داخل کرایا گیا۔

دراصل مٹھیانی بلاک کے مٹھیانی مڈل اسکول میں شدید گرمی کی وجہ سے تقریباً 18 طالبات بے ہوش ہو گئیں، جنہیں علاج کے لیے مٹھیانی ریفرل اسپتال میں داخل کرایا گیا ہے۔ جہاں تمام طالبات کا علاج کیا جا رہا ہے۔ بیگوسرائے میں درجہ حرارت 40 ڈگری سے اوپر ہے، شدید گرمی کے باوجود تمام اسکول کھلے ہیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined