نئی دہلی: دہلی سمیت شمالی ہندوستان میں سرد ہوائیں چلنے اور پارہ گرنے سے درجہ حرارت میں کمی واقع ہوئی ہے۔ محکمہ موسمیات کے مطابق اگلے 48 گھنٹوں میں دہلی کا پارہ 4 ڈگری تک گر سکتا ہے، جس کی وجہ سے اتوار اور پیر کو راجدھانی دہلی سردی کی لپیٹ میں رہے گی اور اس دوران آسمان میں شدید دھند چھائی رہ سکتی ہے۔
Published: undefined
دہلی کا اتوار کا زیادہ سے زیادہ درجہ حرارت 19 ڈگری جبکہ پیر کو یہ 20 ڈگری رہنے کا امکان ہے۔ دہلی-این سی آر کے کئی علاقوں میں سردی کی لہر برقرار رہے گی۔ اسی طرح 26 دسمبر کو صبح کے وقت شدید دھند اور سردی کی لہر کی پیش گوئی کی گئی ہے۔
Published: undefined
دہلی میں اتوار کی صبح کم سے کم درجہ حرارت 5.3 ڈگری سیلسیس ریکارڈ کیا گیا۔ محکمہ موسمیات کے علاقائی مرکز کے مطابق کرسمس کے موقع پر دہلی-این سی آر میں آج اور اگلے دن سردی کی لہر برقرار رہے گی۔ 26 دسمبر کے لیے سردی کی لہر اور دھند کا اورنج الرٹ جاری کر دیا گیا ہے۔ اس دوران کم سے کم اور زیادہ سے زیادہ درجہ حرارت میں کمی ریکارڈ کی جائے گی۔ اس کے ساتھ ہی صبح کے وقت گھنی دھند ایک بار پھر پریشان کرے گی۔
Published: undefined
محکمہ موسمیات کے مطابق 25 دسمبر سے ہماچل، پنجاب، اتر پردیش، چندی گڑھ اور دہلی میں سردی کی لہر چل سکتی ہے۔ دوسری جانب مغربی راجستھان اور مشرقی راجستھان میں اگلے پانچ دنوں تک شدید سردی کی لہر جاری رہ سکتی ہے۔ اس کے ساتھ ہی محکمہ موسمیات نے اگلے دو دنوں تک تمل ناڈو، کیرالہ اور لکش دیپ کے ساحلی علاقوں میں مختلف مقامات پر بارش کی وارننگ بھی دی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined