سنسیکس میں 136 پوائنٹس اور نفٹی میں 28 پوائنٹس کی گراوٹ

یورپ اور امریکہ میں کورونا وائرس کووڈ- 19 کے کے بڑھتے معاملوں کے دباؤ میں آکر عالمی شیئر بازاروں کے لڑھکنے کے درمیان ٹیلی کام سیکٹر میں زبردست فروخت کے رجحان سے جمعہ کے روز گھریلو شیئر بازار مسلسل تیسرے روز بھی گراوٹ کے ساتھ بند ہوا۔

بی ایس ای کا سنسیکس آج 135.78 پوائنٹس یعنی 0.34 فیصد کی گراوٹ سے 39،614.07 پوائنٹس پر بند ہوا اور نیشنل اسٹاک ایکسچینج کا نفٹی 0.24 فیصد یعنی 28.40 کی گراوٹ سے 11،642.40 پوائنٹس پر بند ہوا۔

مارکیٹ کے تجزیہ کاروں کے مطابق یورپ میں کورونا وائرس کے معاملے بڑھنے سے سرمایہ کاروں میں غیر یقینی کی صورتحال میں اضافہ ہوا ہے۔ کورونا وائرس کے پھیلاؤ کو روکنے کے لئے کچھ یورپی ممالک میں بار بار لاک ڈاؤن نافذ ہونے سے سرمایہ کاروں کی حوصلہ شکنی ہوئی ہے۔ اس کے علاوہ، امریکی صدارتی انتخاب کے تعلق سے بھی سرمایہ کار خوف زدہ ہیں۔

بھارتی ایئرٹیل کے حصص گھریلو مارکیٹ میں سب سے زیادہ فروخت ہوئے، جس سے پورے ٹیلی کام سیکٹر پر دباؤ پڑا۔ اس کے حصص کی قیمتوں میں 3.82 فیصد کی کمی واقع ہوئی۔ اس کے علاوہ ماروتی کے حصص میں بھی 2.45 فیصد کی کمی درج ہوئی ہے۔