ستیش کمار ریلوے بورڈ کے چیئرمین اور سی ای او مقرر

نئی دہلی: ریلوے کی وزارت نے منگل کو ستیش کمار کو ریلوے بورڈ کا چیئرمین اور چیف ایگزیکٹو آفیسر (سی ای او) مقرر کیا۔ ایک حکم نامہ نے کہا گیا، ’’کابینہ کی تقرری کمیٹی (اے سی سی) نے ریلوے بورڈ کے رکن (ٹریکشن اینڈ رولنگ اسٹاک)، انڈین ریلوے مینجمنٹ سروس (آئی آر ایم ایس) ستیش کمار کی ریلوے بورڈ کے چیئرمین اور چیف ایگزیکٹو آفیسر (سی ای او) کے عہدے پر تقرری کو منظوری دے دی ہے۔‘‘

مزید یہ کہ ان کی تقرری یکم ستمبر کو یا شمولیت کی تاریخ سے لے کر ان کی ریٹائرمنٹ تک ہوگی۔ دریں اثنا، حکومت نے شمالی ریلوے کے لکھنؤ ڈویژن میں آٹھ اسٹیشنوں کے نام تبدیل کرنے کی بھی منظوری دے دی ہے۔

قاسم پور ہالٹ کو اب جایس سٹی کہا جائے گا۔ جایس کا نام بدل کر گرو گورکھ ناتھ دھام رکھ دیا گیا ہے۔ مشراولی کو اب ما کالی کان دھام کہا جائے گا۔ بانی اب سوامی پرم ہنس کہا جائے گا۔ اس کے علاوہ نہال گڑھ (این ایچ ایچ) کو مہاراجہ بجلی پاسی (ایم بی ایل پی) میں تبدیل کر دیا گیا ہے۔ اکبر گنج کو اب ما اہوروا بھوانی دھام کہا جائے گا۔ وارث گنج ہالٹ کا نام بدل کر امر شہید بھالے سلطان رکھ دیا گیا۔ فرست گنج اب تپیشورناتھ دھام کہلائے گا۔