سردار پٹیل ملک کو اتحادکے دھاگے میں پرونے والی عظیم شخصیت تھے: مودی

نئی دہلی: وزیر اعظم نریندرمودی نے ملک کو اتحاد کے دھاگے میں پرونے والے ’مرد آہن‘ سردار ولبھ بھائی پٹیل کو یاد کرت ہوئے کہا کہ ان میں جہاں لوگوں کو متحد کرنے کی زبردست صلاحیت تھی،وہیں وہ ان لوگوں کے ساتھ بھی تال میل قائم کرلیتے تھے جن کے ساتھ ان کے نظریاتی اختلافات ہوتے تھے۔ سردار پٹیل باریک سے باریک چیزوں کو بھی بہت گہرائی سے دیکھتے تھے،پرکھتے تھے۔صحیح معنی میں وہ ’مین آف ڈیٹیل‘ تھے۔

مودی نے آکاش وانی پر اتوار کو ’من کی بات‘ پروگرام میں کہا،’’میرے پیارے بھائیوں اور بہنوں،مجھے یقین ہے کہ 31اکتوبر کی تاریخ آپ سب کو ضرور یاد ہوگی۔یہ دن سردار ولبھ بھائی پٹیل کی یوم پیدائش کا ہے جو ملک کو اتحاد کے دھاگے میں پرونے والی عظیم شخصیت تھے۔وہ تنظیم بنانے کی صلاحیت رکھتے تھے۔

منصوبوں کی تیاری اور حکمت عملی سازی میں انہیں مہارت حاصل تھی۔آئین ساز اسمبلی میں قابل ذکر کردار ادا کرنے کےلئے ہمارا ملک ،سردار پٹیل کا ہمیشہ شکرگزار رہےگا۔انہوں نے بنیادی حقوق کو یقینی بنانے کا اہم کام کیا،جس سے، ذات اور فرقے کی بنیاد پر ہونے والے کسی بھی قسم کے امتیاز کی گنجائش نہ بچے۔‘‘

انہوں نے کہا کہ ہم سب جانتے ہیں ہندوستان کے پہلے وزیرداخلہ کے طور پر سردار پٹیل نے،ریاستوں کو ایک کرنے کا ایک بہت بڑا تاریخی کام کیا۔ان کی نظر ہر واقع پرٹکی رہتی تھی۔ایک طرف ان کی نظرحیدرآباد،جوناگڑھ اور دیگر ریاستوں پرمرکوز رہتی تھی وہیں دوسری طرف ان کی توجہ دور دراز جنوبی میں لکش دیپ پربھی تھی۔

دراصل، جب ہم سردار پٹیل کی کوششوں کی بات کرتے ہیں تو ملک کے اتحاد میں کچھ خاص صوبوں میں ہی ان کے کردار کا ذکر ہوتا ہے۔لکش دیپ جیسی چھوٹی سی جگہ کےلئے بھی انہوں نے اہم کردار ادا کیاتھا۔ اس بات کو لوگ شاید ہی یاد کرتے ہیں۔آپ اچھی طرح جانتے ہیں کہ لکش دیپ کچھ جزائر کا گروپ ہے۔یہ ہندوستان کے سب سے خوبصورت علاقوں میں سے ایک ہے۔