سعید عالم کے سر بندھا ہندوستان کے پہلے مارشل آرٹ کوچ بننے کا سہرا

اندور: مدھیہ پردیش کے شہر اندور کے ماسٹر سعید عالم ملک کے پہلے اور واحد مارشل آرٹ کوچ بن گئے ہیں۔ امریکہ سے شائع ہونے والے ورلڈ گریٹسٹ مارشل آرٹسٹ میگزین نے اپنے صفحہ اول پر ماسٹر سعید عالم کو جگہ دی ہے۔

ماسٹر سعید عالم گزشتہ 36 سال سے لڑکیوں اور خواتین کو اپنے دفاع کی تربیت دے چکے ہیں۔ انہیں اب تک 16 بین الاقوامی اعزازات سے نوازا جا چکا ہے۔ ارجن ایوارڈ یافتہ کرپاشنکر پٹیل نے ماسٹر سعید عالم کو یہ کامیابی حاصل کرنے پر مبارکباد دی ہے۔ دی ورلڈ گریٹیسٹ مارشل آرٹسٹ میگزین کے ایڈیٹر ڈاکٹر تیڈ گیم بورڈیلا ہیں جو85 کتابیں لکھ چکے ہیں۔ ڈاکٹر ٹیڈ نے سعید عالم کی مارشل آرٹس کی زندگی پرمبنی ایک خصوصی شمارہ شائع کیا ہے۔