'سوشانت سنگھ کو زہر دے رہی تھی ریا چکرورتی'، فوراً گرفتاری کا مطالبہ

بالی ووڈ کے جواں سال اداکار سوشانت سنگھ راجپوت کے والد کے. کے. سنگھ نے جمعرات کی صبح واضح لفظوں میں کہا کہ اداکارہ ریا چکرورتی ان کے بیٹے کو زہر دے رہی تھی اور اسی نے سوشانت کا قتل کیا ہے۔ یہ بات سوشانت کے والد نے ایک ویڈیو جاری کرتے ہوئے کہی۔ اس کے ساتھ ہی 15 سیکنڈ کے اس ویڈیو میں سوشانت کے والد نے سی بی آئی سے مطالبہ کیا کہ وہ ریا چکرورتی اور اس کے ساتھیوں کو گرفتار کرے۔

قابل ذکر ہے کہ سوشانت سنگھ راجپوت کی موت کی جانچ اب سی بی آئی کر رہی ہے۔ گزشتہ کچھ دنوں میں سوشانت کی موت کے پیچھے چھپی بات کا پتہ لگانے کے دوران بالی ووڈ سے لے کر کرکٹ ورلڈ کے ڈرگس کے ساتھ ساتھ انڈر ورلڈ سے مبینہ رشتوں کی باتیں سامنے آئی ہیں۔ سوشانت کے والد پہلے سے ہی اس کی موت کے لیے ریا اور اس کے اہل خانہ کو ملزم بتاتے ہوئے پٹنہ میں ایف آئی آر درج کرا چکے ہیں۔