زرعی قوانین کی واپسی: ٹوٹ گیا غرور، جیت گیا کسان، ہاردک پٹیل

نئی دہلی: گجرات ریاستی کانگریس کے ورکنگ صدر ہاردک پٹیل نے کہا کہ آج کسانوں اور ان کی تحریک کی جیت ہوئی ہے اور حکومت کا غرور ٹوٹ گیا ہے۔ پٹیل نے ٹویٹ کیا ’’تو گیا غرور، جیت گیا میرے ملک کا کسان۔ آج کسان اور اس کی تحریک کی جیت ہوئی ہے۔ تحریک اور بی جے پی کی آمریت میں شہید ہوئے کسانوں کو یہ جیت خراج عقیدت کے طور پر‘‘۔

طنز کرتے ہوئے انہوں نے کہا ’’بی جے پی لیڈر اب تک تین زرعی قوانین کو لاگو کرنے کے فائدے بتاتے تھے، لیکن آج سے وہ تین زرعی قوانین کو واپس لینے کے فوائد کا شمار کرائیں گے۔‘‘ دوسری جانب قومی دلت ادھیکار منچ کے کنوینر جگنیش میوانی نے کہا کہ پنجاب اور اتر پردیش کے انتخابات میں نظر آنے والے خطرے کے پیش نظر تینوں کسان مخالف قوانین کو واپس لینے کے حکومت کے اعلان کا خی مقدم ہے۔

انہوں نے کہا کہ اگر یہ فیصلہ انتخابی ریاضی کے بجائے انسانی حساسیت کی بنیاد پر لیا جاتا تو سینکڑوں کسانوں کی جانیں بچ جاتیں۔ واضح رہے کہ وزیر اعظم نریندر مودی نے آج تینوں زرعی قوانین کو واپس لینے کا اعلان کیا اور ایم ایس پی اور زیرو بجٹ فارمنگ کی سفارش کرنے کے لیے ایک کثیر جہتی کمیٹی کے قیام کا اعلان کیا۔