ریلائنس انڈسٹریز / آئی اے این ایس
ہندوستان کی مشہور کمپنی ریلائنس انڈسٹریز نے ایک نئی تاریخ رقم کر دی ہے۔ ریلائنس 20 لاکھ کروڑ روپے کا مارکیٹ کیپ عبور کرنے والی ملک کی پہلی کمپنی بن گئی ہے۔ گزشتہ ایک ہفتہ سے کمپنی کے شیئرس میں زبردست اُچھال دیکھنے کو مل رہی تھی، اور منگل کو یہ بی ایس ای پر اپنے 52 ہفتوں کی اعلیٰ سطح 2957.80 روپے پر پہنچ گیا ہے۔ اس میں 1.89 فیصد کا اُچھال آیا ہے۔
Published: undefined
قابل ذکر ہے کہ گزشتہ دو ہفتوں کے دوران ہی کمپنی کے اسٹاک کی مارکیٹ کیپ میں تقریباً ایک لاکھ کروڑ روپے کا اضافہ ہوا ہے۔ ریلائنس انڈسٹریز کے اسٹاکس نے 19 لاکھ کروڑ روپے کی اونچائی 29 جنوری کو ہی چھو لیا تھا۔ 2024 میں ریلائنس کو لے کر سرمایہ کاروں میں زبردست جوش دیکھا جا رہا ہے۔ ان چند دنوں میں ہی ریلائنس انڈسٹریز کے شیئر تقریباً 14 فیصد تک اوپر چلے گئے ہیں۔
Published: undefined
غور کرنے والی بات یہ ہے کہ ریلائنس انڈسٹریز کے شیئرس میں گزشتہ ایک سال سے ہی تیزی کا رخ دیکھا جا رہا ہے۔ کمپنی کی لگاتار بہترین کارکردگی کے سب گزشتہ 12 ماہ میں شیئرس تقریباً 40 فیصد تک اوپر گئے ہیں۔ اس میں آر آئی ایل کی سبسیڈری جیو فنانشیل سروسز کا تعاون بہت زیادہ ہے۔ جیو کا مارکیٹ کیپ اس دوران 1.70 لاکھ کروڑ روپے بڑھا ہے۔ یہ ’ڈی مرجر‘ سے پہلے کی شرح پر پہنچ چکا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined