دہلی میں شدید گرمی کے پیش نظر 'ریڈ الرٹ' جاری

قومی راجدھانی سمیت ملک کے شمالی حصوں میں شدید گرمی کی صورتحال برقرار ہے، جس کے پیش نظر محکمہ موسمیات (آئی ایم ڈی) نے دہلی کے لیے 'ریڈ الرٹ' جاری کیا ہے۔

اس سال، شہر نے مسلسل 30 دنوں سے زیادہ وقت تک 40 ڈگری سیلسیس اور اس سے زیادہ درجہ حرارت درج کئے جانے کے ساتھ طویل وقت تک گرمی کی لہر اور شدید گرمی کی صورتحال برقرار ہے۔

محکمہ موسمیات نے پیر کو کہا، "اگلے دو دن کے دوران شمالی ہندوستان کے کئی حصوں میں شدید گرمی کی صورتحال برقرار رہنے کا امکان ہے اور اس کے بعد شمال مغربی ہندوستان کی طرف آنے والے مغربی ڈسٹربنس کے اثر سے آہستہ آہستہ اس میں کمی آئے گی۔"

محکمہ کے مطابق کل تک قومی راجدھانی میں کل تک شدید گرمی اور رات میں گرم ہوائیں چلنے کا امکان ہے، جس میں 40 کلومیٹر فی گھنٹہ کی رفتار سے تیز ہوائیں چلیں گی۔ اس کے بعد ہلکی بارش کا امکان ہے۔محکمہ موسمیات کے مطابق کل تک شہر میں زیادہ سے زیادہ درجہ حرارت 45 ڈگری سیلسیس کے آس پاس رہنے کا امکان ہے۔